El prezıdenti dástúrli jyl saıynǵy joldaýyn halyqqa joldady. Bul joldaýda 9 máseleni bólip, jiliktep turyp aıtty.
Maǵan ásirese qatty unaǵany — zań máselesi. Zań men tártipti iske asyrýdy qatań tapsyrdy. Óıtkeni zań oryndalmaǵan jerde, zań jumys istemegen jerde tártip te bolmaıdy, al tártipsiz salaýatty, qýatty memleket qurý óte qıyn ekendigin prezıdent únemi aıtyp kele jatyr.
Qanshama jyldan beri osyny eskertip keledi. Ásirese, osy joly ár máseleni bólip-jaryp, jikke bólip, árqaısysyna tereń taldaý jasap, saraptama jasaǵany maǵan qatty unady. Ádiletti Qazaqstan, zań men tártip, ekonomıkalyq ósim, qoǵamdyq tártip sekildi máselelerdiń bárin talqylap ótti.
Halyqtyń eń ózekti máselesi — qarjy ósimi, nesıe alý máselesi. Ótken 30 jyldaǵy halyqtyń basynan keshken qıynshylyqtary qazir qoǵamda ashyq aıtylyp jatyr. Prezıdenttiń bank salasyna qatysty jańa zańnyń qajettigin atap ótýi maǵan qatty unady. Ýaqyt soǵan alyp keldi.
Sonymen qatar, búdjet máselesine de erekshe toqtaldy. Qarjyny orynsyz shashýǵa bolmaıtyny týraly naqty saraptama jasap, basa aıtty. Endi bul joldaý gazetterde jarıalana bastaıdy. Biz baspasózge shyqqannan keıin ár máseleniń ózektiligin tereń túsinip, ony iske asyrýdy talap etemiz dep oılaımyn.