Koleksıalyq monetalar Qazaqstannyń teńge saraıynda jasalǵan.
4 qarashada Qazaqstan Ulttyq banki «Este qalatyn oqıǵalar men birtýar adamdar» monetalar serıasynan MÁNSHÚK MÁMETOVA. 100 JYL koleksıalyq monetalaryn aınalymǵa shyǵarady. Monetalardyń satylymǵa túsetin kúnine qatysty aqparat Ulttyq banktiń resmı saıtynda qosymsha jarıalanady, dep habarlaıdy Almaty-akshamy.kz Elorda.info saıtyna silteme jasap.
Moneta Keńes Odaǵynyń Batyry Mánshúk Mámetovanyń 100 jyldyǵyna oraı shyǵaryldy.
Moneta bet jaǵynyń (aversiniń) ortalyq bóliginde Qazaqstan Respýblıkasynyń eltańbasy, onyń sol jaǵy men oń jaǵynda ulttyq oıý-órnek elementteri beınelengen. Aınaldyra QAZAQSTAN ULTTYQ BANKI • NATIONAL BANK OF KAZAKHSTAN dep jazylǵan. Tómengi bóliginde monetanyń nomınalyn bildiretin 100 TEŃGE jazýy bar.
Monetanyń syrt jaǵynyń (reversiniń) ortalyq bóliginde Mánshúktiń músindik portreti, onyń sol jaǵynda – KSRO Batyrynyń altyn juldyzy, sondaı-aq týǵan jyly men mereıtoılyq kúndi bildiretin «1922» jáne «2022» degen jazýlar bar. Oń jaǵynda Mánshúk Mámetova erlik jasap, qaza bolǵan «NEVEL» qalasynyń kartasy men jazýynyń stıldendirilgen beınesi berilgen. Monetanyń joǵarǵy bóliginde «Keńes Odaǵynyń Batyry» degen joǵary memlekettik nagradasyna usyný anyqtamasynyń aıshyqty mátini basylǵan.
Nomınaly 100 teńgelik MÁNSHÚK MÁMETOVA. 100 JYL koleksıalyq monetalary brilliant uncirculated sapasynda melhıor qospasynan turady, massasy – 15 gram, taralymy – 15 000 danada.
Koleksıalyq monetalar belgilengen quny boıynsha Qazaqstan Respýblıkasynyń búkil aýmaǵynda barlyq tólem túri boıynsha, sondaı-aq bank shottaryna esepteý úshin, Qazaqstan Respýblıkasynyń barlyq bankterinde aýdarý, usaqtaý jáne aıyrbastaý úshin qabyldanýǵa mindetti.
Koleksıalyq monetalar Qazaqstannyń teńge saraıynda jasalǵan.