Avtokólikti jarý trúktary, qýǵynshylyq, kazınoǵa shabýyl jáne mahabbat hıkaıasy: QR Ulttyq Ulan jaýyngerleri týraly fılmniń túsirilimi qalaı ótti
Qazaqstan Respýblıkasy Ulttyq ulanynyń arnaıy jasaqtary týraly «Búrkit» atty kezekti tolyqmetrajdy kórkem fılmniń kezekti ekshnǵa toly túngi túsirilim saǵat 7.30-da aıaqtalǵany sol, soǵan qaramaı túske qaraı túsirilimge qatysyp jatqan toptyń bir bóligi Almaty qalasy Óńirlik komýnıkasıalar qyzmetiniń alańyna keldi, dep habarlaıdy Almaty-akshamy.kz.
Baspasóz konferensıasyna fılmniń túsirilýine sebepker bolǵan Ulttyq ulan polkovnıkteri de, eki aıdan beri arnaıy jasaq sarbazdarynyń ómirin óz bastarynan ótkizip júrgen tanymal akterler de qatysty.
Zapastaǵy polkovnık, áskerı keńesshi, Qazaqstan Respýblıkasy Ulttyq ulanynyń ókili Qýanysh Qojahmetov áskerı bólim týraly qysqasha aıtyp ótti. Bul áskerıler týraly alǵashqy fılm emes, sonaý 2019 jyly «Qazbat» fılmi túsirilgen bolatyn, onyń túsirilimine qatardaǵy jaýyngerden bastap joǵary shendi ofıserlerge deıin belsendi áskerı qyzmetshiler qatysqan.
«Arnaıy jasaq týraly, onyń jaýyngerleriniń erligi men janqıarlyq erlikteri týraly fılm túsirý ıdeıasy týyndady. Bul ıdeıany general-polkovnık, Qorǵanys mınıstri Rýslan Fatıhuly Jaqsylyqov usyndy. Sodan beri kóptegen jumystar atqaryldy. Biz naqty operasıalardyń mysaldaryna súıendik. Fılmde úsh batyrdyń bastan keshken oqıǵalary kórsetiledi», - dedi Q.Qojahmetov.
Fılmniń prodúseri jáne áskerı sahnalardy qoıýshysy – otstavkadaǵy polkovnık, 25 jyl eńbek ótili bar arnaıy jasaq ardageri, qyzyl kúreń bórik ıegeri, İİ dárejeli «Aıbyn» ordeniniń ıegeri Kamal Jaqsylyqov. Ol fılmniń túsirilimin arnaıy kúshtik qurylymdar vedomstvosy qoldaǵanyn, fılmdi túsirýge arnaıy jasaqtyń jetistikteri men olardyń nyshany bolǵan qyzyl kúreń beret negizge alynǵanyn atap ótti.
«Búrkit» bólimshesiniń sımvol - qyzyl kúreń beret. Biz oǵan qalaı qol jetetinin aıtqymyz keldi. Fılmde arnaıy jasaqta qyzmet etetin Qazaqstandaǵy qarapaıym azamattardyń ómiri kórsetiledi. Sonymen qatar, patrıottyq baǵyttaǵy fılm jastarǵa úlgi bolmaq. Fılm 2023 jyldyń kókteminde prokatqa shyǵady dep kútilýde, naqty kúni áli belgisiz, óıtkeni post-prodakshn jaqyn arada bastalady, bul degenimiz - dybystaý, montajdaý, kóp eńbekti talap etetin jumys bolyp otyr. Qazaqstanda prokatqa shyqqannan keıin fılm TMD elderi men shetelderde kórsetiledi», - dedi Q.Jaqsylyqov.
Aıtpaqshy, fılmniń prodúseri buǵan deıin Almatydaǵy «Búrkit» bólimshesin basqarǵan. Búrkittikterdiń áskerı kúndelikti ómiri úshin olar burynnan tanys bolsa, akterler úshin kınodaǵy jańa mamandyq olarǵa tanys emes bolyp shyqty.
Teatr jáne kıno akteri Sanjar Mádı fılmde basty rólderdiń birinde, ol túsirilimge barynsha jan-jaqty daıyndalǵanyn aıtty.
«Biz áskerı bazaǵa baryp, sonda jattyqtyq, sodan keıin meniń óz-ózime kelýime shamamen bir aptaǵa ketti. Salmaǵy shamamen 40-50 keli bolatyn synbaıtyn kostúm, oǵan qosa men buryn kıip kórmegen 15 keli dýlyǵa kıý men úshin kútpegen jaǵdaı boldy. Onyń ústine Dáýrenniń ústinde salmaǵy 30 keli bolatyn qalqany bar. Pýlemetterdi bir qolmen ustap, báribir bir-birimizge ilesip júrýimiz kerek. Biz úshin áskerı ómirde bári de tanys emes boldy, sodan keıinbirtindep aralasyp, qoıan-qoltyq urys jattyǵýlaryna kiristik, áskerıler túsirilim alańynda kez kelgen núanstar boıynsha keńes berdi», - dedi S.Mádı.
Mysaly, naǵyz arnaıy jasaqshylar qarýdy qalaı ustaý kerektigine nazar aýdarǵan, bul óte mańyzdy, óıtkeni atys shabýyly kezinde shyntaqty jınaý kerek. Túsirilim alańynda ártister qyzyl kúreń beretke laıyqty bolý úshin synaqtan ótýdiń barlyq kezeńderin bastan ótkerdi.
ÓKQ alańyna shaqyrylǵan teatr jáne kıno akteri, fılmniń basty keıipkeri Dáýren Serǵazın túsirilimge tek fızıkalyq turǵyda daıyndalyp qańa qoımaǵanyn, arnaıy jasaq sarbazdarynyń psıhologıasyn zerttegenin, qaharman beınesine qalaı engegin aıtty.
«Bir aıdyń ishinde 10 jyldyq tájirıbesi bar arnaıy jasaqshynyń róline ený ońaı bolǵan joq, kınonyń keremeti de osynda, kınoda basqa adamnyń ómirin súre alasyń», - dedi akter.
Dáýren Serǵazın fılm áskerge degen qyzyǵýshylyqty oıatady, jastar áskerde boryshyn óteýge umtylady. Al endi bir bóliginiń áskerı adam bolýyna túrtki bolady degen senimde.
«Fılmde tek áskerı ómir ǵana emes, sonymen birge, dostyq, adamgershilik, kúsh jágeri jáne otansúıgishtikke qatysty ómirlik mańyzdy jaıttar kórsetiledi», - dep tolyqtyrdy D.Serǵazın.
Fılmdi túsirýshilerdiń aıtýynsha, kórermenderdi kóptegen ekshn-senalar ózine tarta túspek, fılmdegi ondaı kórinister boıynsha qoıýshy-rejısser Danıar Ibragımov eńbektengen.
«Saǵat 7:30-da biz taǵy bir kólikpen túsirilimdi aıaqtadyq. Buǵan deıin Almatynyń ortalyǵynda kólikti aýdaryp jiberetin trúk jasalsa, búgin fılmde kóliktiń jarylǵan sátin túsirdik. Sondaı-aq 4,5 myń metr bıiktikten parashútpen sekirý, eki operatordyń qatysýymen aýada óte kúrdeli sahnalanǵan kórinister, oıynhanaǵa shabýyl, asa qaýipti qylmyskerlerdi ustaý jáne atý, eki kólikti qýý, atys boldy. Árıne, bizde de mahabbat taqyryby da bar», - dep tolyqtyrdy prodúser Q.Jaqsylyqov.
Polkovnık Jaqsylyqov akterlik quramǵa kelgende jolymyz boldy dep esepteıdi, sebebi olardyń barlyǵynyń fızıkalyq turǵyda daıyndyqtar bar. Dáýren Serǵazın kórermenge «Qazbat» fılminen tanys bolsa, fılmniń taǵy bir akteri Asylhan Tólepov MMA kúresimen aınalyssa, Sanjar Mádı de sporttyq formada. Áskerıler olardy tek taktıkalyq jáne arnaıy daıyndyqtan ótkizdi. Búgin fılmniń túsirilimi aıaqtaldy.
Qorytyndylaı kele, taǵy bir kınokonsýltant, maıor Rınad Saǵıdoldınov olardyń basty maqsaty – Ulttyq ulannyń arnaıy jasaq qyzmetiniń prızmasy arqyly Qazaqstannyń osyndaı barlyq bólimsheleri týraly aıtý ekenin atap ótti. Kórermender kınoteatrdyń arqasynda arnaıy jasaqshylardyń qaıtalanbas aýrasyn sezine alady.