Prezıdentke agenttiktiń 2021 jyly atqarǵan jumystarynyń nátıjeleri men tekserilip jatqan qylmystyq ister týraly baıandaldy
Marat Ahmetjanov Prezıdentke Sybaılas jemqorlyqqa qarsy saıasattyń 2022-2026 jyldarǵa arnalǵan tujyrymdamasyn iske asyrý josparyn tanystyrdy, dep habarlaıdy Almaty-akshamy.kz Aqordanyń resmı saıtyna silteme jasap.
Qazir Parlamentte zańsyz baıyǵany úshin jaýapkershilik engizý jáne sybaılas jemqorlyqty áshkereleýshilerdi qorǵaý júıesin qalyptastyrý máselelerine qatysty zań jobasy qarastyrylyp jatyr. Bul norma memlekettik qyzmetshilerdiń kiristeri men shyǵystaryn baqylaýǵa múmkindik beredi.
Qasym-Jomart Toqaevqa Sybaılas jemqorlyqpen kúres tujyrymdamasyn júzege asyrýǵa barlyq memlekettik organ tartylatyny týraly málimet berildi. Sybaılas jemqorlyqqa qarsy is-qımylǵa qatysty qabyldanyp jatqan sharalardyń tolyq atqarylýy boıynsha ár vedomstvoda jaýapty adamdar bekitiledi.
Memleket basshysy tujyrymdamany júzege asyrý úshin usynylǵan tásilderdi qoldap, agenttiktiń osy baǵyttaǵy úılestirýshi rólin kúsheıtýdi tapsyrdy. Prezıdent bul jumysty erekshe baqylaýǵa aldy.
Kezdesý qorytyndysy boıynsha Qasym-Jomart Toqaev sybaılas jemqorlyqtyń alǵysharttaryn joıýǵa, qylmys tásilderin áshkereleýge jáne jemqorlardy jaýapkershilikke tartýǵa baǵyttalǵan júıeli jumysty jalǵastyrý jóninde tapsyrma berdi.