Masktyń qaıyrymdylyqqa naqty qansha aqsha jumsaǵany belgisiz.
2021 jyly Tesla bas dırektory Ilon Mask shamamen 5,7 mlrd dollarlyq kompanıa aksıalaryn qaıyrymdylyqqa jibergen. Munda málimet AQSH retteýshilerine jiberilgen, dep habarlaıdy Almaty-akshamy.kz Interfax.ru cilteme jasap.
Qujattarda 5 000 044 aksıalaryn naqty kim alǵany kórsetilmegen.
Qaıyrymdylyq sharalary Tesla aksıalaryn satý barysynda iske asqan. Jalpy alǵanda, Mask 2021 jyldyń sońǵy eki aıynda 16 mlrd dollardan astam kompanıa qaǵazyn satqan. Ol sondaı-aq ótken jyly shamamen 22,9 mln opsıondy aksıaǵa aınaldyrǵan.
Tesla basshysy jeltoqsanda, ıaǵnı qaıyrymdylyq jasaǵannan keıin birneshe apta ótken soń, 2021 jylǵa 11 mlrd dollardan astam salyq tóleýi kerek dep sanaǵan.
Chronicle of Philanthropy basylymynyń málimetteri boıynsha, Mask 2021 jyly qaıyrymdylyqqa aqsha jumsaý jaǵynan ekinshi iri mesenat boldy. Bıll men Melında Geıts jalpy somasy 15 mlrd dollarlyq qaıyrymdylyq jasap, aldyńǵy qatarda tur.
Masktyń qaıyrymdylyqqa naqty qansha aqsha jumsaǵany belgisiz, biraq Tesla basshysy bul týraly keıde áleýmettik jelilerde habarlap turady. 2021 jyldyń naýryzynda ol tvıtterde Tehastaǵy mektepterge 20 mln dollar jáne qala ortalyǵyn qalpyna keltirý úshin 10 mln dollar bóletinin jazǵan bolatyn. 2018 jyly ol Tesla kompanıasynyń 100 mln dollardan astam aksıasyn qaıyrymdylyq retinde satqanyn habarlaǵan.