30 jáne odan da kóp jyl jumys ótili bar muǵalimder «Eńbek ardageri» medalimen marapattalady
Memleket basshysynyń tapsyrmasy jáne Prezıdenttik Jastar kadrlyq rezerviniń úlgisi boıynsha bilim berýdegi ózgeristerdiń 1000 kóshbasshysynyń jobasy ázirlenýde. Jobanyń maqsaty – kásibı kóshbasshylardy irikteý jáne daıyndaý, dep habarlaıdy Azattyq Ruhy.
Oqý-aǵartý mınıstri Ǵanı Beısembaev respýblıkalyq tamyz keńesiniń plenarlyq otyrysynda atalǵan joba pılottyq rejımde iske qosyldy dep málimdedi.
Sondaı-aq mınıstr tájirıbeli mektep dırektorlarynyń bıyldan bastap «Bolashaq» baǵdarlamasymen shetelde tájirıbe almasa alatynyn aıtty.
«Mınıstrlik bilim berý uıymdarynda jumys isteıtin, myqty jáne tájirıbeli basshylardy «Bolashaq» baǵdarlamasy boıynsha 3-6 aılyq sheteldik taǵylymdamaǵa jiberý jóninde sharalar qabyldaýda», - dedi Ǵ. Beısembaev.
Sonymen qatar bilim salasynda 30 jáne odan da kóp jyl jumys ótili bar muǵalimder «Eńbek ardageri» medalimen marapattalady.
«Mınıstrlikke muǵalimderdiń kóp jyldar boıy jumys istese de óz eńbegi úshin marapatqa ıe bolmaǵany týraly ótinishter jıi túsedi. Bizdiń árqaısymyz úshin muǵalim – bul bizdiń ómir jolymyzdy anyqtaıtyn, jeke tulǵany qalyptastyrýdyń negizin qalaıtyn adam. Muǵalim búkil urpaqty oqytady jáne tárbıeleıdi. Nıkolaı Alekseevıch Nekrasovtyń «Muǵalim, sizdiń atyńyzdyń aldynda kishipeıildilikpen tize búgýge ruqsat etińiz...» degen sózin bárińiz bilesizder. Sondyqtan biz muǵalimniń bas árippen jazylǵan muǵalim retindegi burynǵy ımıjin jandandyrýǵa mindettimiz», - dedi mınıstr.