«Almaty Sý» Medeý aýdanynyń turǵyndaryna sý berý jáne sýdan ajyratý kestesin ázirledi. Keste aǵymdaǵy jylǵy 27 shildedegi saǵat 14.00-den 28 shildedegi saǵat 19.00-ge deıingi kezeńde qoldanysta bolady, dep habarlaıdy almaty-akshamy.kz
Medeý aýdanynyń ońtústik bóligin sýmen jabdyqtaýdyń shekteýli jaǵdaıy tek tabıǵı qubylystarǵa baılanysty. Buryn habarlanǵandaı, muzdyqtardyń qatty erýine baılanysty, qalypty jylý, sel aǵyndary jáne ózen jaǵalaýlarynyń shaıylyp, laılanýynyń saldarynan taýly ózenderde bastapqy sýdyń laılanýynyń óte joǵary konsentrasıasy saqtalýda. Sondyqtan sý tazartý stansıalarynda sý daıyndaý úshin qajetti sý kólemin alý ýaqytsha júzege aspaýy múmkin. Óıtkeni,sýdy zerthanalyq zertteý saǵat saıyn júrgiziledi. Súzgi stansıasy arqyly turaqty sýmen qamtamasyz etý úshin laılaný deńgeıi 30-40 mg/dm3 deıin tómendeýi tıis. Qazirgi ýaqytta ol 170-340 mg/dm3 aralyǵynda.
Rezervýarlarda sýdy toltyrý úshin ázirlengen ýaqytsha keste qajet.
2023 jylǵy 27.07. arnalǵan keste
27 shildede saǵat 14: 00 –den 28 shildede saǵat 19.00-ge deıin Omarov kóshesiniń ońtústiginde (joǵaryda) ornalasqan tutynýshylarǵa, onyń ishinde Kereı-Jánibek handary kóshesiniń eki jaǵynda ornalasqan 25 KTK (kóppáterli turǵyn úıler): «Dostyq rezıdentteri» TK Mıtın 4, Chaıkın kóshesi 3, 3a, Dostyq dańǵyly 296, 294/2, 290, 278, 276, Taımanov kóshesi 222, 224, Dostyq dańǵyly 248, 272, 274, 270, 268, 266, 123, 123/3, 123/2, 123/1, 121, 121/3, 121/1, 121/5.
27 shildede saǵat 17: 00-den 24.00-ge deıin «Esentaı», «Aq Bota», «Taý Shatyr», «LaVerde», «Blekberrı hılls», Taımanov k-si boıynsha KTK (kóppáterli turǵyn úı keshenderi) sý berile bastaıdy.
2023 jylǵy 28.07. arnalǵan keste
28 shildede saǵat 7:00-den 14:00-ge deıin ál-Farabı, Lýganskıı, Chaıkına, Taımanov kósheleriniń kontýryndaǵy kóppáterli turǵyn úıge sý berile bastaıdy.
Omarov kóshesiniń ońtústigindegi eldi mekenderge sý berý 28 shilde kúni saǵat 19:00-ge josparlanǵan.
Saǵat 14.00-den 19.00-ge deıin jáne saǵat 00:00-den 07:00-ge deıin rezervýarlarǵa sý jınalatyn bolady.
Sýmen qamtamasyz etýdiń kórsetilgen kestesi tabıǵı qubylystarǵa jáne jaǵdaılarǵa baılanysty túzetiletin bolady. Barlyq ózgerister týraly qosymsha habarlanady.
Ýaqytsha qolaısyzdyqtarǵa túsinistikpen qaraýdy jáne múmkindiginshe sýarýdy shekteýdi jáne sýdy únemdeýdi suraımyz.
Turǵyndar úshin jelige beriletin sý kólemin ulǵaıtý maqsatynda sý tutynýdyń úlken kólemi bar obektiler (avtojýý, monsha) sýdan ýaqytsha ajyratyldy. Áleýmettik nysandar táýlik boıy tasymaldanatyn sýmen qamtamasyz etiledi.
Ortalyqtandyrylǵan sýmen jabdyqtaý bolmaǵan kezeńde sýdy avtosısternalarmen tasymaldaý júzege asyrylady. 27 shildeden bastap sý jetkizý boıynsha arnaıy kólikterdiń jalpy sany 18 birlikke deıin ulǵaıtyldy.
Sýmen qamtamasyz etý máselelerine baılanysty ótinishter úshin jedel jeliler uıymdastyryldy. Biryńǵaı dıspecherlik qyzmettiń telefony: 109.
«Almaty Sý» MKK dıspecherlik qyzmetine kelesi nómirler boıynsha habarlasýǵa bolday: 274-66-66, +7 777 852 91 01.
Sondaı-aq, aýyz sýdy (sý tasyǵyshtardy) tasymaldaý jáne bıotýaletterdi ornatý máseleleri boıynsha ótinimder Medeý aýdany ákimi apparatynyń myna nómiri boıynsha qabyldanady: + 7 775 594 90 94.
Anyqtama:
Medeý aýdanynyń ońtústik bóligindegi sýmen jabdyqtaý shektelgen aımaqta 50 kóppáterli úı, 4 047 jeke turǵyn úı bar.