Negizgi pánder shtattyq formatta oqytylady.
Bul týraly QR Bilim jáne ǵylym vıse-mınıstri Sholpan Karınova málim etti, dep habarlaıdy Almaty-akshamy.kz
«Jańa oqý jylyn qatań sanıtarlyq-epıdemıologıalyq talaptardy saqtaı otyryp, shtattyq formatta bastaý josparlanýda. Búgingi kúni mektepke deıingi uıymdar shtattyq jumys rejımine oraldy. Osy oqý jylynda 7 myńnan astam mektep shamamen 3,6 mln oqýshyny, onyń ishinde 380 myńǵa jýyq birinshi synyp oqýshysyn qabyldaıdy. Shtattyq rejımde oqýdy bastaý úshin Bilim jáne ǵylym mınıstrligi mektepter júktemesine úlken taldaý júrgizdi. Ulttyq bilim berý derekter qorynyń derekteri boıynsha mektepterdiń 95 paıyzynyń jobalyq qýaty men oqýshylar sany barlyq sanıtarıalyq talaptardy saqtaı otyryp, oqýdy tolyq shtattyq formatta bastaýǵa múmkindik beredi. Mundaı mektepterde oqýshylardyń 81 paıyzy bilim alady», - dedi ol Ortalyq komýnıkasıalar qyzmetindegi baspasóz máslıhaty barysynda.
Sonymen qatar vıse-mınıstrdiń atap ótýinshe, mektepterge keıbir pánderdi qashyqtyq formatta ótkizýge ruqsat beriledi.
«Oqýshy oryndarynyń tapshylyǵy, 3 aýysymdylyǵy bar 300-den asa mektep bar. Bul jalpy mektepterdiń 5 paıyzyn quraıdy. Mundaı mektepterde oqýshylardyń 19 paıyzy bilim alady dep josparlanyp otyr. Osy mektepter qosymsha is-sharalar arqyly, onyń ishinde keıbir pánderdi qashyqtan oqyta otyryp, oqý ıkemdi keste boıynsha shtattyq túrde júrgiziledi. Aýysymdar men kishi aýysymdar uıymdastyrylady. Negizgi pánder bul mektepterde shtattyq formatta oqytylady. Búgingi kúni bas memlekettik sanıtar dárigerdiń qaýlysy qabyldandy. Baılanysta bolǵan balalar úshin oqshaýlaý kezeńine sınhrondy qashyqtan oqytý uıymdastyrylady. Ata-analardyń ótinishteri negizinde sozylmaly naýqastary bar balalarǵa medısınalyq uıym anyqtamalary negizinde qashyqtan oqytý usynylady. Bul oqýshylar oqýlyqtarmen, oqytý kontenti bar aqparattyq júıemen, elektrondyq jýrnalmen qamtylady. Jıyntyq baqylaý jumystaryn olar mektepte tapsyrady. Sabaqtardyń uzaqtyǵy 45 mınýtty quraıdy», - dedi Sholpan Karınova.