Aqordadaǵy qabyldaý: «Qazaqstan - Shveısarıa» parlamentaralyq yntymaqtastyq tobynyń jumysyn jandandyrý týraly kelisimge qol jetkizildi
Qasym-Jomart Toqaev Qazaqstanǵa resmı saparmen kelgen Shveısarıa Konfederasıasy Federaldy Jınalysynyń Ulttyq Keńesiniń (tómengi palatasynyń) tóraǵasy Andreas Ebıdi qabyldady, dep habarlaıdy almaty-akshamy.kz.
Memleket basshysy Shveısarıany Qazaqstannyń Eýropadaǵy mańyzdy seriktesteriniń biri ekenin aıta otyryp, olardyń ónerkásip, «jasyl» ekonomıka, aýyl sharýashylyǵy jáne qarjy salasyndaǵy joǵary ınovasıalyq áleýetin atap ótti.
Qazaqstan Prezıdenti bizdiń eldiń shıkizattyq emes sektoryna Shveısarıa kapıtaly men tehnologıalaryn tarta otyryp, jańa iri jobalardy iske asyrýǵa beıildi ekenin bildirildi. Memleket basshysynyń aıtýynsha, bul Qazaqstan ekonomıkasyndaǵy shveısarıalyq bıznestiń onsyz da berik pozısıasyn odan ári nyǵaıtýǵa yqpal etedi.
Shveısarıa – 2005 jyldan beri elimizdiń ekonomıkasyna 27 mıllıard dollardan astam ınvestısıa salǵan eń iri úsh ınvestorynyń biri. Bizdiń elde Glencore Xstrata, ABB, Philipp Morris, Rieter, Schindler, Bühler, Leica, Nestlé, Roche, Novartis, Syngenta, Ammann Group jáne basqa da iri shveısarıalyq kompanıalar tabysty jumys isteıdi.
Sonymen qatar Shveısarıamen aradaǵy taýar aınalymy byltyr 1,7 mıllıard dollarǵa jetip, jalpy saýda serikteriniń arasynda 11-shi orynǵa ilingen. Memleket basshysy Qazaqstan men Shveısarıa arasyndaǵy qarym-qatynastardyń tabysty damýyna eki eldiń tyǵyz saıası baılanystary yqpal etedi degen pikirin bildirdi. Osyǵan baılanysty Qasym-Jomart Toqaev jaqynda Shveısarıa Prezıdenti Gaı Parmelandpen mazmundy kelissózder ótkizgenin atap ótti.
Jemisti baılanystardy jalǵastyrý úshin Memleket basshysy kelesi kezdesýdi bıyl qarasha aıynyń sońynda ótkizýge daıyn ekenin bildirdi.
Óz kezeginde Andreas Ebı ekijaqty yntymaqtastyqtyń qazirgi damý deńgeıin oń baǵalap, ony parlamentaralyq baılanystar arqyly nyǵaıtýǵa septesýge daıyn ekenin bildirdi. Osyǵan baılanysty «Qazaqstan - Shveısarıa» parlamentaralyq yntymaqtastyq tobynyń jumysyn jandandyrý týraly kelisimge qol jetkizildi.
Áńgimelesýshiler Aýǵanstandaǵy qazirgi jaǵdaıǵa erekshe nazar aýdardy. Taraptar bul másele boıynsha jan-jaqty pikir almasyp, osy eldegi áskerı-saıası jáne gýmanıtarlyq jaǵdaıdyń shıelenisýine alańdaýshylyq bildirdi.
Qasym-Jomart Toqaev 26 tamyzda Kabýl halyqaralyq áýejaıynda lańkestik jasaǵandardy aıyptap, terorıstik qaýipke qarsy turý, Aýǵanstandaǵy jaǵdaıdy turaqtandyrý, álemdegi jáne Ortalyq Azıadaǵy beıbitshilik pen qaýipsizdikti nyǵaıtý úshin ǵalamdyq qoǵamdastyqtyń kúsh-jigerin jumyldyrý qajet degen pikir bildirdi.