Bıznesti saqtap qalýda, vırýs juqtyrǵandardy anyqtaýda «Ashyq» jobasynyń tıimdiligi men halyqqa tıgizer paıdasy mol.
Bul týraly Almaty qalasynyń Óńirlik komýnıkasıalar qyzmetinde kásipker Radovan Sımonovıch aıtty. Onyń pikirinshe, «Ashyq» jobasy – koronavırýstyń taralýyn boldyrmaýdyń eń jaqsy quraly, sonymen qatar kóptegen kásipkerlerge óz bıznesin saqtaýǵa kómektesetin biregeı joba. «Qosymshanyń kóptegen artyqshylyqtary bar.
Birinshiden, bul bizge, bizdiń qyzmetkerlerge jáne kelýshilerge qatysty qaýipsizdikti qamtamasyz etedi. Ekinshiden, jumys isteýge, úshinshiden, epıdemıologıalyq qaýipsizdikti saqtaýǵa, adamdardy is júzinde tekserýge jáne qaýly aıasynda jumys atqarýǵa múmkindik beredi», – deıdi kafe dırektory Radovan Sımonovıch.
Qazirgi ýaqytta kez kelgen adam vırýsty tasymaldaýshy bolýy múmkin. Eger klıentte «qyzyl» nemese «sary» statýs jansa, ol «kútý aımaǵyna» aýystyrylady nemese nysannyń ishine jiberilmeıdi. «Bastapqyda qonaqtar jobany ártúrli qabyldady. Jobamen jumys barysynda biz «sary» mártebesi bar adamdardy úsh ret jáne bir ret «qyzyl» mártebesi bar adamdardy anyqtadyq. Mundaı jaǵdaılarda biz olarǵa qyzmet kórsete almaıtynymyzdy túsindirdik, óıtkeni biz birinshi kezekte kópshilik adamǵa qyzmet kórsetý salasyna jatamyz. Qosymsha bizge óz bıznesimizdi saqtaýǵa kómektesti jáne juqtyrǵandardy anyqtaýdyń eń jaqsy quraly bolyp tabylady», – dep qosty R.Sımonovıch.
Almatyda «Ashyq» jobasynyń 8306 qatysýshy bar, al erikti qatysýshylar – 11812 nysan. «Ashyq» jobasynyń kóshbasshylarynyń sany – 281. 28 sáýir men 15 tamyz aralyǵynda Almaty qalasynda «qyzyl» mártebesi bar 387 jeke tulǵaǵa oqshaýlaý rejımin buzǵany úshin 30 AEK mólsherinde aıyppul salynǵan.