Ońtústikkoreıalyq «Kálmar oıyny» serıalynda qatigezdik pen jaýyzdyq kórinisi kóp.
Sońǵy kezde áleýmettik jelini shýlatqan atyshýly serıal týraly QR Bilim jáne ǵylym birinshi vıse-mınıstri Sholpan Karınova pikir bildirdi, dep habarlaıdy Almaty-akshamy.kz QazAqparat-qa silteme jasap.
«Fılm Qazaqstanda túsirilmegen. Fılmde belgili bir shekteýler bar, ol 18 jastan asqan eresekterge arnalǵan. Sondyqtan, eń aldymen ata-analar osy faktige nazar aýdarýy qajet. Ekinshiden, ata-analar da, mektep te tárbıelik sharalar aıasynda balalarǵa paıdaly aqparatty teris aqparattan ajyratý daǵdylaryn úıretýi kerek. Mektepterde de osy máselege nazar aýdarǵan jón. Árıne, balalar psıhıkasy endi-endi qalyptasý kezeńinde. Sondyqtan kez kelgen aqparatty úıde ata-analar, mektepte pedagogtar baqylaýy kerek», - dep jaýap berdi vıse-mınıstr.
Onyń aıtýynsha, bıyldan bastap barlyq bilim berý uıymdarynda jahandyq quzyrettilik kýrsy engizilip jatyr. Bul kýrs balalardyń synı oılaýyn, emosıonaldy ıntellektisin damytady, aqparatty ajyrata bilýge úıretedi, ony durys tańdaıdy. Sholpan Qarınova mektepter ózderiniń tárbıelik fýnksıalary aıasynda serıalǵa qatysty shekteýlerge nazar aýdarýy kerektigin aıtty.