20 qarasha kúni jyl saıyn Aspazdar kúni atap ótiledi
Halyqaralyq data 2004 jyly kýlınarlyq qoǵamdastyqtardyń dúnıejúzilik qaýymdastyǵynyń bastamasymen bektilgen. Bul uıymǵa álemniń túrli elderinen 8 mln ókil múshe. Sol sebepti álemdik asqana sheberleri óz merekelerin atap ótetinine tań qalýdyń qajeti joq.
Halyqaralyq aspaz kúni búgingi tańda álemniń 70-ten astam elinde toılanady. Kýlınarlardan bólek merekelik sharalardy uıymdastyrýǵa bılik organdarynyń ókilderi, týrısik kompanıa qyzmetkerleri, sonymen birge, qoǵamdyq tamaqtaný oryndarynyń - shaǵyn dámhanalar men tanymal meıramhanalardyń ıeleri tikeleı atsalysady. Olar aspazdar arasynda sheberlik saǵattaryn uıymdastyryp, biregeı as mázirin ázirlep, oǵan degýstasıa jasap, tájirıbe almasady.
Aspaz kásibi - álemdegi joǵary suranystaǵy ári ejelgi mamandyqtardyń biri. Ańshylyqtan keıin ettiń alǵash ret qalaı daıyndalǵany jóninde tarıhı derekter joq. Degenmen, kýlınarıa salasyna esimi berilgen áıel jaıly ańyz bar.
Ejelgi grekter emshilik Qudaıy Asklepııge (rımdik Eskýlap) tabynǵan. Onyń qyzy Gıgeıa densaýlyqtyń qorǵaýshysy dep sanaldy (aıtqandaı, onyń esiminen "gıgıena" sózi qalyptasqan). Al olardyń barlyq istegi kómekshisi Kýlına esimdi tamaq pisirýshi bolǵan. Ol aspazdyq ónerge qamqorlyq jasaǵan. "Kýlınarıa" degen sóz osy kisiniń atynan shyqqan.
Tamaq ázirleý týraly alǵashqy reseptter qaǵaz betine Vavılon, Ejelgi Mysyp jáne Ejelgi Qytaıda, sondaı-aq, Shyǵystaǵy arab elderinde túsirilgen.