Japonıanyń Kıtakúsú qalasynda sporttyq gımnastıkadan álem chempıonaty ótip jatyr. Bul týraly buryn da habarlaǵanbyz.
Qazaqstan komandasy álem chempıonatynda jarys jolyna shyǵady, dep habarlaıdy Almaty-akshamy.kz Olympic.kz saıtyna silteme jasap.
Álem birinshiligine Qazaqstan komandasynan bes sportshy qatysady. Jekelegen snarádtarda ár komandadan úsh gımnastan baq synaýǵa múmkindik beriledi. Erkin jattyǵýda Mılad Karımı, İlıas Azızov, Farýh Nabıev synǵa túsedi.
Gımnastıkalyq at snarádynda Narıman Kýrbanov, İlıas Azızov pen Mılad Karımıge senim artamyz. Shyǵyrshyq pen qol tirep sekirýden Karımı jáne Nabıev baq synaıdy. Qossyryqtaǵy jattyǵýǵa Karımı men Nabıevten bólek, Ilfrat Imardjanov qatysady.
Al gımnastıkalyq kermedegi jattyǵýda Karımı, Nabıev jáne Azızov el namysyn qorǵaıdy.
Aıta ketelik, kópsaıysta álem chempıonatynyń fınalyna 24 sportshy shyǵady. Al jekelegen snarádtar boıynsha aqtyq synǵa 8 sportshy joldama alady.