Jańa joba boıynsha, emtıhan synybyna kiretin azamat metal detektordan, aýdıo-beıne fıksasıadan jáne bıometrıalyq sáıkestendirýden ótedi.
Bul týraly málimet bergen «Azamattarǵa arnalǵan úkimet» memlekettik korporasıasy» KE AQ basqarma tóraǵasynyń birinshi orynbasary Súıenish Ábdildın atap ótkendeı, mamandandyrylǵan HQKO-da tanymal qyzmet túri – júrgizýshi kýálikterin berý, dep habarlaıdy Almaty-akshamy.kz
«Keıbir azamattar teorıalyq emtıhan tapsyrýdyń túrli joldaryn izdeıtinderi jasyryn emes. Mysaly, ornyna bógde adam emtıhan synybyna kirgizýi, ártúrli gadjetter men shpargarkalardyń basqa túrlerin qoldanýǵa tyrysady», - deıdi ol.
«Azamattarǵa arnalǵan úkimet» ókiliniń sózinshe, sybaılas jemqorlyq táýekelderin boldyrmaý maqsatynda osy jyldyń sáýir aıynda Almatyda Ustudy-men birlesip teorıalyq emtıhan tapsyrýdyń pılottyq jobasy iske qosyldy.
«Bul pılottyq jobada emtıhan synybyna kiretin azamat metal detektordan, aýdıo-beıne fıksasıadan jáne bıometrıalyq sáıkestendirýden ótedi. Pılottyq jobany engizgennen keıin Almatyda emtıhan tapsyrýǵa ótinish bildirý sany kúnine 6 esege, ıaǵnı 532-den 88-ge deıin, al emtıhandardan ótkenderdiń úlesi 36,6%-dan 15,5%-ǵa deıin, ıaǵnı 2 esege tómendegenin baıqaýǵa bolady», - dep túsindirdi Ábdildın brıfıńte.
Bıyl maýsym aıynyń sońynda bul joba Nur-Sultan qalasynda da iske qosyldy. Jyl sońyna deıin bul jobany Qazaqstan boıynsha aýqymdy etý josparlanyp otyr.