Koronavırýstyń tórtinshi tolqyny burynǵyǵa qaraǵanda qaýipti.
Bul týraly Óńirlik komýnıkasıalar qyzmetinde ótken baspasóz konferensıasynda Almatynyń bas sanıtarlyq dárigeri Jandarbek Bekshın habarlady. Ol búginde vaksınanyń birinshi komponenti megapolıs halqynyń resmı sanynan 35%-dan sál artyq, ekinshisin halyqtyń 24% alǵanyn habarlady. Eresek turǵyndar arasynda vaksına alǵandar kem degende 60%-ǵa jetýi tıis, dep habarlaıdy Almaty-akhamy.kz.
Jandarbek Bekshın kún saıyn vaksınanyń birinshi komponentin 7,7 myńnan astam adam alatynyn aıtty.
«Bul epıdemıanyń qazirgi tolqynyn turaqtandyrý úshin jetkiliksiz. Qalada «delta» koronavırýs nusqasynyń taralý qarqyny joǵary», – dedi bas dáriger.
Ol balalar men jastardyń áli de qaýip aımaǵynda ekenin aıtty. Sońǵy eki aptadaǵy jas quramyn taldaý nátıjesi boıynsha, 1 jasqa deıingi balalardyń aýrýdy juqtyrý jalǵasýda. Barlyq KVI naýqastarynyń 2,8%-yn quraıdy. Bul ótken aptada 136, osy joly 190 bala tirkeldi.
14 jasqa deıingi balalar arasynda 965 jaǵdaı jáne 40 pen 59 jastaǵy azamattar arasynda 1 824 jaǵdaı tirkelgen. 60 jastan asqandar – 1 487 adam.
«Vırýs juqtyrǵandardyń arasynda ımýnıteti myqty jas halyq basym. Sondyqtan koronavırýstyń tórtinshi tolqyny burynǵyǵa qaraǵanda qaýipti. 20 men 40 jas aralyǵyndaǵy almatylyqtar arasynda KVI aýrýy 38%-dy, 40 pen 59 jas aralyǵyndaǵy azamattar arasynda – 25%-dy jáne 60 jastan asqan adamdar arasynda – 20%-dy quraıdy», – dedi Jandarbek Bekshın.
Spıker Almatyda koronavırýs boıynsha jaǵdaı kúrdeli ekenin atap ótti. Infeksıalyq stasıonarlar joǵary júktememen jumys isteýe. Ońtústik astananyń turǵyndary vaksınany keıinge qaldyrmaýlary tıis. Epıdemıologtardyń aıtýynsha, "delta" shtammy óte juqpaly ári qaýipti.