Byudjettík mekemeler úshín otyn jetkízu jūmystary bastaldy.
Almaty oblysy jylytu mausymyna daıyndala bastady, dep habarlaıdy Almaty-akshamy.kz.
Oblystyq energetıka jáne TÚKSh basqarmasynyń málímetínshe, jylytu mausymyn sapaly ótkízu úshín 35 ortalyq qazandyq, 58,2 km jylu jelísí, 13,5 myń km elektr jelísí, 3101 bírlík transformatorlyq qosalqy stansa daıyndaluda.
«2021-2022 jylǵy jylytu mausymyna daıyndyqqa jáne ony úzdíksíz ótkízu úshín Almaty oblysynda byudjetten 13,7 mlrd. teńge qarastyrylǵan, sonyń 3,3 mlrd. teńgesí jylumen qamtu nysandaryn jóndeuge, 10,4 mlrd. teńgesí otyn satyp aluǵa bólíndí», – delíngen Almaty oblysy ákímíníń baspasóz qyzmetíníń habarlamasynda.
Mamandardyń aıtuynsha, byudjettík sala nysandary úshín 26,2 mln lıtr dızel otynyn satyp aluǵa byudjetten 5,2 mlrd teńge bólíngen. Qazírgí kezde byudjettík mekemeler úshín otyn jetkízu jūmystary bastaldy.
Energıya óndírushí mekemeler úshín 405,3 myń tonna kómír, 15 myń tonna mazut daıyndau josparlanǵan. Sol sıyaqty halyqty kómírdíń qajettí kólemímen uaqtyly qamtu jūmystary júrgízílíp jatyr.
«Būl rette kómírdíń qajettílígí - 1,37 mln tonna. Búgíngí kúní tūrǵyndarǵa 202,5 myń tonna kómír satyldy, 94,1 myń tonna kómír qoımalarda bar. Jergílíktí ákímdík tūrǵyndarǵa kómírdí erte kezden satyp alu turaly úgít-nasıhat jūmystaryn júrgízude. Sonymen qatar oblysta qazandyqtardy gazǵa auystyru, blokty-moduldí qazandyqtar ornatu jūmystary júıelí túrde jalǵastyryluda», – dep habarlaıdy Almaty oblysynyń ákímdígí.