Odessadan Túrkıaǵa bet alǵan Pallada júk kemesi Qara teńizdegi daýyl kezinde jaǵaǵa shyǵyp, keme qaq ortasynan ekige bólinip qalǵan.
Oqıǵa ornynan túsirilgen kadrlar BAQ pen áleýmettik jelilerde jarıalandy, dep habarlaıdy Almaty-akshamy.kz
Milliyet túrik basylymynyń jazýynsha, júk kemesi Túrkıanyń soltústigindegi Zongýldak provınsıasynyń Ereglı aımaǵyna qaraı jyljyp, jaǵasyna jaqyndaǵan. Apat kezinde tolqynnyń bıiktigi shamamen 5 metrge jetken. Bortta 13 adamnan turatyn ekıpaj bolǵan. Ekıpaj músheleri evakýasıalanǵan jáne olardyń arasynda zardap shekkender joq.
«19 qarashada saǵat 10:00-de Bas izdestirý jáne qutqarý jumystaryn úılestirý ortalyǵyna apat týraly qońyraý tústi. Tekserýden keıin Kamerýn týy bar Pallada kemesi daýyl saldarynan zaqymdanyp, Ereglıde sý jaǵasyna shyǵyp qalǵany anyqtaldy. Bizdiń ortalyqtyń kómegimen kemedegi barlyq 13 ekıpaj múshesi evakýasıalandy», - delingen Túrkıanyń teńiz isteri bas basqarmasynyń habarlamasynda.
Túrkıanyń Anadolu agenttiginiń habarynsha, Ereglı portynyń basshylyǵy daýylǵa baılanysty porttan shyǵyp ketken Kafkametler atty túrik kemesimen baılanys ornatýǵa tyrysýda. Ol Reseıden shyǵyp Túrkıanyń Izmır qalasyna qaraı jol tartqan. Bul kemede 12 ekıpaj múshesi bar, barlyǵy Túrkıa azamattary.