2025 jylǵa deıin 1000 mektep salynady.
Tehnıkalyq jáne İT salalarǵa granttar 60%-ǵa deıin ósedi. Bul týraly Májilistiń jalpy otyrysynda QR Premer-Mınıstriniń orynbasary Eraly Toǵjanov aıtty, dep habarlaıdy Almaty-akshamy.kz QazAqparatqa silteme jasap.
«Memleket basshysynyń tapsyrmasy boıynsha 2025 jylǵa deıin 1000 mektep salynady. Bul úsh aýysymdy jáne apatty mektepter problemasyn sheshýge jáne demografıalyq ósimnen týyndaıtyn oqýshy oryndaryna tapshylyqty joıýǵa baǵyttalǵan. Qala men aýyl mektepteri arasyndaǵy bilim sapasynyń alshaqtyǵyn joıý úshin mektepterdi modernızasıalaý jalǵasýda. 2025 jylǵa qaraı suranysqa ıe mamandyqtar boıynsha kolejde bilim alý 100% tegin bolady. Joǵary oqý oryndaryna beriletin granttar sany 75 myńǵa deıin ulǵaıtylady. Onyń ishinde tehnıkalyq jáne İT salalarǵa granttar 60%-ǵa deıin ósedi», - dedi Eraly Toǵajanov.
Sonymen qatar ol ekonomıkaǵa naqty qajetti kadrlar daıarlaýǵa basymdyq beriletinin aıtty.
Aıta keteıik, búgin Májilistiń jalpy otyrysynda óńirlerge shyǵý barysynda Qazaqstan Respýblıkasy Parlamenti Májilisiniń depýtattaryna kelip túsken azamattardyń ótinishterin memlekettik organdardyń qaraý nátıjeleri talqylanyp jatyr. Depýtattardyń óńirlerge saparlary barysynda kóterilgen eki myńǵa jýyq suraq Úkimet tarapynan jan-jaqty saraptalyp, qaraldy.