Jetisý oblysynyń Kerbulaq aýdanyna jańa ákim taǵaıyndaldy, dep habarlaıdy Almaty-akshamy.kz.
Jańa ákim Qanat Bolatuly Esbolatov 1982 jyly týǵan, bilimi joǵary.
D.Qonaev atyndaǵy ýnıversıtetti «ıýrısprýdensıa», Qazaq ulttyq agrarlyq ýnıversıtetin «memlekettik basqarý» mamandyqtary boıynsha bitirgen.
Eńbek jolyn Almaty oblysy Eskeldi aýdanynda «Dosanov K.S.» sharýa qojalyǵy tóraǵasynyń orynbasary bolyp bastaǵan.
Keıin Almaty oblystyq qarjy basqarmasynyń Eńbekshiqazaq aýdany boıynsha ınspektory, aǵa ınspektory, Almaty qalasynda «Megaron & K» JSHS qarjylyq dırektory, Almaty oblysy Eskeldi aýdany Kókjazyq aýyldyq okrýginiń ákimi, Eskeldi aýdany ákiminiń orynbasary, Almaty oblysy aýyl sharýashylyǵy basqarmasy basshysynyń orynbasary laýazymdaryn atqardy.
2022 aqpanynan beri Almaty oblysynyń aýyl sharýashylyǵy basqarmasynyń basshysy qyzmetinde boldy.