Munda eńbekpen ońaltý bólimi bar
Psıhıkasy aýytqyǵandardyń turaqty jumys tabýy qıyn-deıdi mamandar, dep habarlaıdy Almaty-akshamy.kz «Habar 24» telearnasyna silteme jasap.
Kóbi áleýmettik járdemaqyǵa kún kóredi. Esepte turǵandardyń birazy psıhıkalyq saýyqtyrý ortalyǵynda eńbek etedi. Munda eńbekpen ońaltý bólimi bar. Baspahana, tigin sehy, kartonnan konvert jasaý jáne baý-baqsha egý jumystarymen aınalysýǵa bolady. Jalpy sany 70-ke jýyq adam eńbek etedi. Kúnine 6 saǵattyq jumystyń aılyǵy 20 myń teńgeden 60 myń teńgege deıin. Eń bastysy naýqastar úıde otyryp, kúızeliske túspeıdi. Ózi syndy jumysshylarmen aralasyp, qoǵamǵa paıdasyn tıgizedi.
«Osy jyldan bastap biz az bolsa da ózimizdiń jańaǵy baqshamyzdy ashtyq. Sol baqshada ózimizdiń naýqastarymyz sol jerde bıyldan bastap egip, ózderińiz jemisterin nátıjesin kórdińizder sony eńbek etip, sony egip, sonyń piskenin kórseńiz ǵoı. Aýrýlardyń ózderiniń qanaǵattanǵanyn kóresizder», - deıdi qalalyq Psıhıkalyq saýyqtyrý ortalyǵynyń dırektory Sapar Rahmensheev.