Eń bastysy – adam faktory: onyń erki,kúsh-jigeri, tabandylyǵy men bilimi. Órkendep damý men táýelsizdikke attar tabaldysryqtyń altyn kiltin de osy shamadan izdegen jón.
Nursultan NAZARBAEV.
1999 jyl – «Urpaqtar birligi men sabaqtastyǵy jyly» dep jarıalandy.
«Urpaqtar birligi men sabaqtastyǵy jyly» dep jarıalanǵan 1999 jyldyń 1 qańtarynan bastap Qazaq Eli úsh jyl merzimge Birikken Ulttar Uıymynyń Turaqty damý jónindegi komıtetiniń músheligine saılandy.
Táýelsiz jas memleket úshin bul erekshe oqıǵa edi. Qazaqstan álem tanyǵan,álem sanasatyn mártebege ıe boldy.
Jalpy bul kezeńde ishki saıasatta ınvestısıalyq klımatty qalyptastyrýǵa erekshe kóńil bólindi. Qarjy daǵdarysyna tótep berý, ulttyq ekonomıkany tyǵyryqtan shyǵarý sharalary turaqty nazarda boldy. 1999 jyly eldiń ekonomıkalyq damý kórsetkishteri de, halyqtyń turmysy da kúnnen-kúnge jaqsara bastady. Ekonomıkalyq ósim 2,7 paıyzǵa jetti.
Syrtqy saıasatta Qazaq Eli úshin kórshiles Qytaı Halyq Respýblıkasymen shekaralyq máseleler tıanaqty túrde aıqyndaldy. Elbasy Nursultan Nazarbaev, QHR Tóraǵasy Szán Szemın, Qyrǵyzstan Prezıdenti Asqar Aqaev úsh memleket shekaralarynyń túıisken tusyn naqtylap, úshjaqty kelisimge qol qoıdy. Azamattyq qoǵam ornyqtyrý, demokratıalyq memleket qalyptastyrý baǵytynda da talaı is-sharalar atqaryldy. Elbasy Jarlyǵymen 1999-2000 jyldarǵa arnalǵan Sybaılas jemqorlyqqa qarsy kúres jónindegi memlekettik baǵdarlama bekitildi.
İshki saıasatta Úkimet tarpynan otandyq taýar óndirýshilerge jan-jaqty qamqorlyq jasaldy. Investısıa tartý, álemdi sharpyǵan ekonomıkalyq daǵdarysqa tosqaýyl qoıý arqyly el ekonomıkasyn quldyraýdan aman saqtaý – memlekettik saıasattyń negizgi baǵyty boldy. Zeınetaqy reformasyna erekshe basymdyq berildi, bul jumysqa halyqaralyq qarjy ınstıtýttary tartyldy.
Bul kezeń etnıkalyq qazaqtardyń otanyna oralý máselesiniń keń kólemde qolǵa alynýmen de erekshelendi. «Qazaqstan Respýblıkasynyń Ulttyq qaýipsizdigi týraly», «Sybaılas jemqorlyqqa qarsy kúres týraly» Zańdar qabyldandy. Elbasy Jarlyǵymen 1999-2000 jyldarǵa arnalǵan Sybaılas jemqorlyqqa qarsy kúres jónindegi memlekettik baǵdarlama bekitildi.
1999: JYLDYŃ BASTY OQIǴALARY
- Qazaqstan Respýblıkasy Prezıdentiniń alǵashqy balamaly básekeli saılaýy.
- Respýblıkalyq «Otan» saıası partıasynyń qurylýy.
- Q.I.Sátpaevtyń 100 jyldyq mereıtoıy.
- Qazaqstannyń qurlyqtyq shekaralaryn delımıtasıalaý
- Qazaqstannyń munaı óndirisiniń 100 jyldyǵy
- QR eki palataly Parlamentiniń saılaýy
10 qańtar
Elimizde balamaly-básekeli negizde Qazaqstan Respýblıkasynyń Prezıdentin saılaý ótken kún. Bul jyly elimizde 14 saıası partıa, 30-ǵa jýyq saıası qozǵalystar men birlestikter boldy. Kúzde QR Parlamentiniń Senaty men Májilisiniń jáne jergilikti máslıhattardyń kezekti saılaýy ótti. Nursultan Nazarbaev Astana qalasyndaǵy M.Gorkıı atyndaǵy memlekettik orys drama teatrynda ornalasqan № 2 saılaý ýchaskesinde daýys berdi. Demokratıalyq saılaý nátıjesinde saılaýshylardyń 81,71 paıyz daýysyn alǵan N.Á.Nazarbaev Qazaqstan Respýblıkasynyń Prezıdenti bolyp qaıta saılandy.
15 qańtar
Ońtústik astanamyzdaǵy Ulttyq kitaphanada memleket basshysynyń «Qalyń elim,qazaǵym» atty jańa kitabynyń tusaýkeseri boldy.
20 qańtar
Qazaqstan Respýblıkasy Prezıdentiniń ınaýgýrasıasy ótken kún. Óz qyzmetine kirisýiniń resmı rásimine qatysqan Nursultan Nazarbaev osynaý ótpeli de jaýapty kezeńde ózine senim artqan barsha saılaýshylaryna alǵysyn bildirip, sóz sóıledi.
21 qańtar
Elbasy jańa Úkimetti jasaqtady. Memleket basshysynyń Jarlyǵymen Premer-mınıstr bolyp Nurlan Balǵymbaev taǵaıyndaldy. Dál osy kúni Prezıdent Qazaqstan halqy Assambleıasynyń V sesıasyna tóraǵalyq etti.
27 qańtar – 2 aqpan
Qazaqstan Prezıdenti Nursultan Nazarbaev Shveısarıa Konfederasıasynyń Davos qalasynda ótken kezekti dúnıejúzilik ekonomıkalyq forýmnyń jumysyna qatysty.
12 aqpan
Prezıdent Jarlyǵymen Ulttyq ǵylym akademıasy respýblıkalyq memlekettik mekemesi quryldy.
19 aqpan
Astana qalasynda Qazaqstan, Ózbekstan, Qyrǵyzstan memleketteriniń basshylary bas qosyp, dostyq pen yntymaqtastyq salasynda birqatar mańyzdy máselelerdi talqylady. Bul kezdesý 1997 jyldyń 10 qańtarynda osy elder arasynda jasalǵan Máńgi dostyq týraly sharttyń eki jyldyǵyna arnaldy.
26 aqpan
Elbasy Máskeý qalasynda ótken Qazaqstan, Reseı Federasıasy, Belarýs Respýblıkasy, Qyrǵyz Respýblıkasy, Tájikstan Respýblıkasy («4 +N») elderi basshylarynyń Memleketaralyq Keńesiniń otyrysyna qatysty.
1 naýryz
Almaty qalasynda «Otan» respýblıkalyq saıası partıasynyń I sezi ótti. Onyń jumysyna Prezıdent N.Nazarbaev qatysty.
31 naýryz
Nursultan Nazarbaev Parlament palatalarynyń birlesken otyrysyna qatysyp, «Demokratıa – bizdiń tańdaýymyz.Demokratıa – bizdiń taǵdyrymyz» atty baıandama jasady.
2 sáýir
Máskeýde TMD memleketteri basshylarynyń kezekti Keńesi bolyp ótti.Memleketter basshylary ujymdyq qaýipsizdik máselelerin ortaǵa saldy. TMD-nyń damý baǵyttary men erkin saýda aımaǵy máseleleri talqyǵa túsken jıynda taraptar birqatar mańyzdy ýaǵdalastyqtarǵa qol jetkizip, TMD organdarynyń qurylymyn reformalaý men jetildirý maqsatyn kózdeıtin qujattarǵa qol qoıdy.
8-9 sáýir
Ashhabadta Araldy qutqarý jónindegi halyqaralyq qordyń kezekti basqosýy boldy. Onyń jumysyna qatysqan memleket basshylary N.Nazarbaev, I.Kárimov, A.Aqaev,S,Nıazov,E.Rahmonov ortaq mámilege kelip, Qor erejesin bekitti.
12 sáýir
Almatyda Q.I.Sátbaevtyń 100 jyldyǵyna arnalǵan saltanatty jıyn ótip,onyń jumysyna el Prezıdenti Nursultan Nazarbaev qatysty.
23-25 sáýir
Elbasy AQSH astanasy Vashıngton qalasynda NATO-nyń 50 jyldyǵyna baılanysty ótkizilgen mereıtoılyq Samıtke qatysty.AQSH prezıdenti Bıll Klınton Azıadaǵy senim sharalary men qaýipsizdikti nyǵaıtý jónindegi Qazaq Eliniń bastamalaryna joǵary baǵa berdi.
2-3 maýsym
Bul kúnderi Elbasy Almatyda ótken eki alqaly jıynǵa qatysty. Ol Qazaqstan Respýblıkasy Prezıdenti janyndaǵy Shetel ınvestorlary keńesiniń ekinshi májilisine tóraǵalyq etse, kelesi kúni «Almaty ınvestısıalyq samıti» İİİ Halyqaralyq forýmynda sóz sóıledi.
1-2 shilde
Avstrıa respýblıkasynyń Zalsbýrg qalasynda Ortalyq jáne Shyǵys Eýropa elderiniń halyqaralyq ekonomıkalyq samıti ótti. Onyń jumysyna memleketimizdiń basshysy Nursultan Nazarbaenv qatysty.
6 shilde
Qazaqstan Prezıdenti N.Nazarbaev jumys saparymen Antalıaǵa baryp, Túrkıa prezıdenti S.Demırelmen kezdesti.
24-25 tamyz
Qyrǵyz Respýblıkasynyń astanasy – Bishkek qalasynda «Shanhaı bestigi» elderiniń samıti ótip, oǵan Qazaqstan Prezıdenti N.Nazarbaev qatysty.
2 qyrkúıek
Memleket basshysy Qazaqstanǵa resmı saparmen kelgen Armenıa Respýblıkasynyń Prezıdenti R.Kocharánmen kezdesti. Eki el basshylary ekonomıkalyq yntymaqtastyq jóninde birlesken komısıa qurý týraly kelisimge keldi.
5-6 qazan
Elbasy resmı saparmen Iran Islam Respýblıkasynda boldy. Qazaqstan – Iran úkimetteri arasyndaǵy bes mańyzdy hattamalarǵa,eki memleket arasyndaǵy ózara qarym-qatynas týraly Deklarasıaǵa qol qoıyldy.
10 qazan
Qazaqstan Respýblıkasy Parlamentiniń saılaýy. Elbasy Astanadaǵy №2 saılaý ýchaskesinde daýys berdi.
12 qazan
Qasym-Jomart Toqaev Prezıdent Jarlyǵymen elimizdiń Premer-Mınıstri bolyp taǵaıyndaldy.
26 qazan
Reseı Federasıasynyń astanasy – Máskeý qalasynda Keden odaǵyna qatysýshy elderdiń memleketaralyq keńesiniń músheleri bas qosty. Onyń qorytyndysy boıynsha arnaıy Máskeý Deklarasıasy qabyldandy.Nursultan Nazarbaevqa «Altyn Atlant» halyqaralyq tehnologıalyq syılyǵy berildi.
5 qarasha
Kókshetaýda Abylaı han eskertkishiniń saltanatty ashylý rásimi boldy.
18-19 qarasha
Memleket basshysy Túrkıada ótken Eýropadaǵy qaýipsizdik pen yntymaqtastyq uıymynyń VI samıtine qatysty. Osynaý alqaly jıynda Elbasy samıtke kelgen memleketter men úkimetter basshylarymen 26 kezdesý ótkizip, mańyzdy ýaǵdalastyqtarǵa qol jetkizdi.
22-25 qarasha
Bul kúnderi Qazaqstan Prezıdenti Mońǵolıa men Qytaı Halyq Respýblıkasyna resmı saparmen baryp, osy memleketter basshylary N.Bagabandımen , Szán Szemınmen kezdesti. Sapar barysynda eki jaqty mańyzdy qujattarǵa qol qoıyldy.
1 jeltoqsan
Memleket basshysy ekinshi shaqyrylǵan Qazaqstan Respýblıkasy Parlamenti palatalarynyń birlesken basqosýyna qatysyp, Parlamenttiń birinshi sesıasyn ashyp berdi.
3 jeltoqsan
Elbasy Qazaqstan Prezıdenti janyndaǵy Shetel ınvestorlary keńesiniń Almatyda ótken İİİ májilisine tóraǵalyq etti.
6-7 jeltoqsan
Japonıaǵa resmı saparmen barǵan Nursultan Nazarbaev osy eldiń Premer-mınıstri K.Obýtımen kezdesti. Kezdesý qorytyndysynda taraptar ózara strategıalyq áriptestik týraly Birlesken málimdemege qol qoıdy.
10 jeltoqsan
Astana qalasynda Qazaqstan halqy Assambleıasynyń VI sesıasy ótip, oǵan el Prezıdenti N.Nazarbaev tóraǵalyq etti.
15 jeltoqsan
Memleket basshysy Qazaqstan halqyna «Jańa júzjyldyqtaǵy turaqtylyq pen qaýipsizdik» atty Joldaýyn jarıa etti.
16-21 jeltoqsan
Qazaqstan Prezıdenti Amerıka Qurama Shtattaryna resmı saparmen bardy. Osy sapar barysynda Elbasy aldymen jol-jónekeı qysqa merzimge Madrıdke aıaldap, Ispanıa koroli Hýan Karlos İ-imen kezdesti. Al,AQSH –qa sapar barysynda Qazaqstan basshysy AQSH Prezıdenti Bıll Klıntonmen, osy eldiń vıse-prezıdenti A.Gormen, Birikken Ulttar Uıymynyń Bas hashysy Kofı Annanmen júzdesip, memleketteraralyq mańyzdy máselelerdi talqylady.
28 jeltoqsan
Qazaqstan Respýblıkasy Prezıdentiniń Jarlyǵymen 2000 jyl – Mádenıetti qoldaý jyly dep jarıalandy.
STATISIKA:
1999 jyly Prezıdent respýblıka óńirlerine 31 ret, shet elderge 20 ret resmı saparǵa shyqty. Bir jyl ishinde barlyǵy 188 Zań qabyldanyp, 277 Jarlyqqa qol qoıyldy.
JYL TÚIİNİ:
1999 jyldyń aldyn-ala qorytyndylary qaralǵan Úkimet májilisinde bul jyl zeınetaqy men eńbekaqy qaryzdarynsyz qorytyndylanyp otyrylǵany, teńgemizdiń baǵamy turaqtalǵany aıtyldy. Altyn qory ulttyq valútamyz aınalymǵa shyǵarylǵaly - 2 mıllıard dollarǵa jýyqtap, úzdik kórsetkishke jettik. Qazaqstan naryǵyna shetel kapıtaly júıeli tartylyp, ulttyq ekonomıkanyń álemdik naryqtaǵy úlesi arta bastaǵany da osy tus. Qazaq Eli ishki, syrtqy áleýmettik-ekonomıkalyq, halyqaralyq yntymaqtastyq baǵyttaryndaǵy jetistikteri men jeńisteri arqyly postkeńestik keńistikte aımaqtyq ıntegrasıanyń kóshbasshysyna aınaldy degen saıasatkerler tujyrymdary da osy kezeńnen bastap jıi aıtyla bastady. Sarapshylar pikirinshe, bul kezeńde memlekettik basqarýdyń saıası-quqyqtyq negizderi qalanyp, damýdyń qazaqstandyq modeli qalyptasa bastady.