Memlekettik ıdeologıanyń bizge asa qajet bir iri butaǵy, qomaqty tarmaǵy – halyqty, urpaqty patrıotızmge,otanshyldyq rýhqa,eldi, jerdi súıýge, qorǵaýǵa jumyldyrý.
Nursultan NAZARBAEV.
2003 JYLDYŃ BASTY OQIǴALARY
- Nursultan Nazarbaevtyń Qazaqstan halqyna Joldaýy.
- Qazaqstan, Reseı, Belarýs, Ýkraına arasynda Birtutas ekonomıkalyq keńistik qurý týraly kelisim-shart.
- QR máslıhattarynyń saılaýy.
- Álemdik jáne dástúrli dinder basshylarynyń İ sezi.
Bul kezeń sonaý HH ǵasyrdyń toqsanynshy jyldary elimizde bastalǵan kúrdeli memlekettik qurylymdyq, áleýmettik-ekonomıkalyq reformalardyń maqsatty deńgeıine jetken jyly boldy. Qazaq Eli aınalasy nebári on eki jyl ishinde táýelsizdigin bekemdep, keńestik bodandyqtyń sarqynshaqtarynan arylyp, alǵa qoıǵan maqsattaryn oryndap shyǵyp, naryqtyq ekonomıka álemine batyl qadam basty. Syrtqy saıasatta Qazaqstannyń kópvektorlyq baǵdary onyń halyqaralyq qaýymdastyqtaǵy mártebesin ulyqtasa, ishki saıasattaǵy áleýmettik-ekonomıkalyq kórsetkishter boıynsha Qazaqstan adam basyna shaqqandaǵy ishki ónim boıynsha Reseıden keıin ekinshi orynǵa shyqty. Memleket basshysynyń dástúrli Qazaqstan halqyna Joldaýynan keıin ulttyq ekonomıkany túbegeıli jańǵyrtý qolǵa alyndy. Úkimet aldynda ónerkásip pen aýyl sharýashylyǵy salalarynda eki memlekettik baǵdarlamany ıgerý , ekonomıkany dıversıfıkasıalaý arqyly shıkizattyq baǵyttan arylý mindetteri turdy. Sonymen qatar qoǵamǵa «Mádenı mura» memlekettik baǵdarlamasynyń usynylýy da ulttyq rýh pen rýhanıattyń jeńisi retinde el ómirindegi irgeli oqıǵaǵa aınaldy.
2003 jyl, 20-24 qańtar
Memleket basshysy resmı saparmen Shveısarıa Konfederasıasynda boldy. Nursultan Nazarbaev pen Shveısarıa Konfederasıasynyń Federaldy prezıdenti Paskal Kýshpenniń ekijaqty kezdesýleri nátıjesinde birqatar ýaǵdalastyqtarǵa qol jetti. Elbasy Davosta ótken Dúnıejúzilik ekonomıkalyq forýmǵa qatysyp,sóz sóıledi. Sondaı-aq Qazaqstan Prezıdenti osy sapar aıasynda Polsha respýblıkasynyń prezıdenti A.Kvasnevskıımen, Malaızıa federasıasynyń premer-mınıstri M.Mohammadpen jáne taǵy basqa da memleketter ókilderimen júzdesti.
2003 jyl, 17-23 aqpan
Memleket basshysy jumys saparymen Reseı Federasıasynda boldy. Máskeýde aqpannyń on segizinde Reseıdegi Qazaqstan kúnderiniń saltanatty ashylý rásimi ótti. Sharada Nursultan Nazarbaev pen Vladımır Pýtın sóz sóıledi. Sondaı-aq osy kúnderi Qazaqstan,Reseı,Belarýs,Ýkraına memleketteri basshylarynyń tórtjaqty kezdesýi ótip,taraptar Birtutas ekonomıkalyq keńistik qurý týraly sheshim qabyldady.
2003 jyl, 4 sáýir
Elbasy Qazaqstan Respýblıkasy Parlamenti palatalarynyń birlesken otyrysyna qatysyp, óziniń «2004 jylǵy ishki jáne syrtqy saıasattyń negizgi baǵyttary» atty Qazaqstan halqyna Joldaýyn jarıalady.
2003 jyl, 6 mamyr
Memleket basshysy Dúnıejúzilik Islam Lıgasynyń bas hatshysy,doktor Abdalla Ben Abdelmýhsın Al-Túrkımen júzdesip,taraptar Qazaqstanda Álemdik dinder quryltaıyn ótkizý jóninde ýaǵdalasty.
2003 jyl, 3 maýsym
Elbasy Qazaqstanǵa resmı saparmen kelgen Qytaı Halyq Respýblıkasynyń tóraǵasy Hý Szıntaony qabyldady. Eki el basshylary Dostyq jáne tatý kórshilik týraly birlesken Deklarasıany bekitti. Sondaı-aq, taraptar 2003 – 2008 jyldar aralyǵyna arnalǵan Qazaqstan – Qytaı yntymaqtastyq baǵdarlamasyna qol qoıdy.
2003 jyl, 5 shilde
Almatyda Ortalyq Azıa yntymaqtastyǵy uıymyna múshe memleketter basshylarynyń alqaly basqosýy ótti. Kezdesý nátıjesinde birqatar ýaǵdalastyqtarǵa qol jetkizildi, taraptar óz múddeleri qamtylǵan birlesken Málimdeme qabyldady.
2003 jyl, 23-24 qyrkúıek
Memleket basshysy Astanada ashylǵan Álemdik jáne dástúrli dinder kóshbasshylarynyń İ seziniń jumysyna qatysyp,sóz sóıledi.
2003 jyl, 23 jeltoqsan
Astanada Qazaqstan halqy Assambleıasynyń H sesıasy ashyldy. « Ultaralyq kelisimniń qazaqstandyq modeli: tájirıbe jáne bolashaq» taqyrybynda ótken alqaly jıynǵa Elbasy Nursultan Nazarbaev tóraǵalyq etti.
STATISIKA:
2003 jyly Prezıdent respýblıka óńirlerine 17 ret, shet elderge 23 ret resmı saparǵa shyqty. Bir jyl ishinde barlyǵy 145 Zań qabyldanyp, 258 Jarlyqqa qol qoıyldy.
JYL TÚIİNİ
2003 jyl el bıligi memlekettik jáne ekonomıkalyq qurylymdy bir júıege túsirip,osy baǵyttaǵy reformalardy,birqatar ındýstrıaldy-ınnovasıalyq baǵdarlamalardy sátti aıaqtap, Qazaqstan damýdyń jańa satysyna qadam basqan kezeń boldy. Saıasatkerler men sarapshylar jıi aıtyp júrgen, Elbasynyń áıgili «Aldymen ekonomıka, sosyn saıasat» degen qaǵıdasy osy kezeńmen úndes. Ekonomıkalyq ósimniń turaqtylyǵy,halyqtyń ál-aýqatynyń jaqsara bastaýy eldiń qoǵamdyq-saıası júıesiniń júıeli damýyna da yqpal etti. Bul jyly Qaraǵandy oblysynda Balqash sınk zaýytynyń jáne «Ispat – Karmet» AAQ metalýrgıa kombınatynda Domna peshiniń, Qostanaı oblysynda «Enıseı» men «Rýslan» kombaındaryn shyǵaratyn «Agromashholdıng AAQ dızel zaýytynyń, Batys Qazaqstan oblysyndaǵy Qarashyǵanaq munaıgazkondensat ken ornynda qaıta óńdeý kesheniniń ashylýy el ekonomıkasyn damytýǵa qolaıly alǵysharttar jasady.
QAZAQSTAN RESPÝBLIKASYNYŃ 50 HALYQARALYQ BASTAMALARYNAN:
2003 jyly Qazaqstan Respýblıkasynyń Prezıdenti Nursultan Nazarbaevtyń tómendegi mańyzdy usynys-bastamalary halyqaralyq deńgeıde qoldaý tapty:
EýrAzEQ aıasynda biryńǵaı ultústi memleketaralyq valúta-esep aıyrysý birligin engizý bastamasy
13 aqpanda Halyqaralyq beıbitshilik jáne kelisim konferensıasy (Almaty q.) – QR Prezıdenti N.Á. Nazarbaevtyń bastamasymen ótkizildi
23-24 qyrkúıekte Álemdik jáne dástúrli dinder kóshbasshylarynyń I sezi (Astana q.) – QR Prezıdenti N.Á. Nazarbaevtyń bastamasy boıynsha ótkizildi. BUU Bas Assambleıasynyń arnaıy qarary «Dinaralyq únqatysýdy kótermeleý»: Qazaqstannyń konfesıaaralyq únqatysýdy nyǵaıtý salasyndaǵy qyzmetin moıyndaý.