Azattyǵymyzdyń aıshyqty belesine shyqqanda árbir sanaly azamatty «Otyz jylda biz qandaı jetistikterge jettik?», «Keler urpaqqa qandaı eldi amanattaımyz?», «Memlekettigimizdi nyǵaıta túsý úshin taǵy ne isteımiz?» degen saýaldar tolǵandyrary anyq. Osy turǵydan alǵanda, bul – arman-maqsattarymyzdy toǵystyryp, bolashaqqa tyń serpinmen qadam basý úshin ótkenge taǵy bir márte oralatyn, jetistikterimiz ben kemshilikterimizdi oı eleginen ótkizetin mańyzdy mezet.
Qasym-Jomart TOQAEV,
Qazaqstan Respýblıkasynyń Prezıdenti.
2004 JYLDYŃ BASTY OQIǴALARY
- Nursultan Nazarbaevtyń Qazaqstan halqyna Joldaýy.
- Saıası reformalardyń búkilulttyq baǵdarlamasy
- QR Parlamenti Májilisiniń saılaýy.
- Nur – Sultanda Elbasy rezıdensıasy – «Aq ordanyń» ashylýy.
2004 jyly respýblıkada saıası modernızasıalaý máselelerine, Elbasynyń dástúrli Joldaýynda aıtylǵandaı,demokratıalyq reformalardy tereńdete damytý qajettiligine aıyryqsha basymdyq berildi. Osy oraıda Nursultan Nazarbaevtyń Jarlyǵymen QR Prezıdenti janynan Demokratıa men azamattyq qoǵam máseleleri jóninde ulttyq komısıanyń qurylýynyń saıası reformalardyń jalpyulttyq baǵdarlamasyn daıyndaýdaǵy mańyzy zor boldy.
Bul jyl elimiz úshin saıası jańǵyrý máselelerinde naǵyz serpilisti kezeń retinde sıpattalady. Memleket Basshysy 2004 jylǵy 19 naýryzdaǵy "Básekege qabiletti Qazaqstanǵa, básekege qabiletti ekonomıkaǵa, básekege qabiletti ultqa" atty Qazaqstan halqyna Joldaýynda eldiń básekege qabilettiligin qamtamasyz etýdiń negizgi sharttarynyń biri retinde demokratıalyq reformalardy odan ári tereńdetý qajettigi týraly málimdedi.
Memleket basshysynyń Jarlyǵymen Qazaqstan Respýblıkasy Prezıdentiniń janynan demokratıa jáne azamattyq qoǵam máseleleri jónindegi Ulttyq komısıa quryldy, ol saıası reformalardyń jalpyulttyq baǵdarlamasyn jan-jaqty talqylaý jáne ony iske asyrý jóninde praktıkalyq sharalar ázirleý maqsatynda azamattyq qoǵammen keń dıalogty uıymdastyrýǵa yqpal etýge tıis boldy.
Jyldyń basty strategıalyq baǵyttary: bılik tarmaqtarynyń ókilettikterin qaıta qarap,memlekettik basqarýdy ortalyqsyzdandyrý, búdjetaralyq «bólinisti» engizý,saılaý zańdylyǵyn lıberalandyrý,ákimderdiń saılanýyn kezeń-kezeńmen engizý,Parlament ókilettigin keńeıtý,memlekettik qyzmet júıesin jetildirý,jemqorlyqqa qarsy kúresti nyǵaıtý. Saılaýshylar tizimderi men daýys berý prosesin ashyq ári ádil júrgizýge jáne saılaý nátıjelerin anyqtaý kezinde ashyqtyqty, dáldikti jáne jedeldikti qamtamasyz etýge baǵyttalǵan "Saılaý" elektrondy daýys berýdiń avtomattandyrylǵan aqparattyq júıesi paıdalanýǵa berildi. Mańyzdy oqıǵalardyń biri – Prezıdent bastamashysy bolǵan Eýrazıalyq odaq ıdeıasynyń 10 jyldyǵy. Osyǵan oraı L.N.Gýmılev atyndaǵy Eýrazıa ulttyq ýnıversıtetinde "Eýrazıashyldyq: ıdeıadan – praktıkaǵa" atty halyqaralyq ǵylymı-praktıkalyq konferensıa ótti.
Bul jyly Almatyda aqparattyq tehnologıalar parki, óndirisi damyǵan aımaqtarda úsh tehnopark quryldy. 2003-2015 jyldarǵa ındýstrıaldy-ınnovasıalyq damý Strategıasyn júzege asyrýǵa erekshe kóńil bólindi.Mashına jasaý,qurylys,hımıa men munaı óndirisi,aqparattyq tehnologıa,metalýrgıa, aerokosmostyq qyzmet salalarynda jańa joǵary tehnologıalyq óndiristi damytý qolǵa alyndy.
9 qańtar
Memleket basshysy Qazaqstanǵa resmı saparmen kelgen Reseı Prezıdenti V.V. Pýtınmen kezdesti. Prezıdentter Kongres-hollda ótken Qazaqstandaǵy Reseı jylynyń saltanatty ashylý rásimine qatysty.
18-22 qańtar
Elbasy resmı saparmen Birikken Arab Ámirlikterine bardy. Nursultan Nazarbaevtyń osy eldiń basshysy Sheıh Zaıd ben Sultan Ál Nahaıanmen kezdesýi eki eldiń yntymaqtastyǵynda jańa tıimdi baılanystarǵa jol ashty. Sapar aıasynda «Qazaqstannyń ınvestısıalyq múmkindikteri» bıznes forýmynyń ótýi bul yntymaqtastyqqa alǵyshart jasady.
6 aqpan
Elordada Nursultan Nazarbaevtyń qatysýymen qazaq dalasy úshin mańyzy zor áleýmettik-ekonomıkalyq joba, jıyrmasynshy ǵasyrdyń álemge áıgili tarıhı oqıǵalarynyń biri - tyń jáne tyńaıǵan jerlerdi ıgerýdiń 50 jyldyǵyna arnalǵan saltanatty jıyn ótti.
22 sáýir
Nursultan Nazarbaev Almaty qalasynda ótken III Eýrazıalyq medıa-forýmǵa qatysty.
16-19 mamyr
Memleket basshysy memlekettik saparmen Qytaı Halyq Respýblıkasyna bardy. Ekijaqty mańyzdy kelissózderdiń nátıjesinde «Atasý – Alashańqaı munaı qubyrynyń qurylysy týraly» ýaǵdalastyqqa qol jetkizildi. Bul Qazaqstannyń munaı-gaz salasyn damytýǵa múmkindik ashqan qadam boldy.
24 mamyr
Ýkraınanyń Ialta qalasynda Birtutas ekonomıkalyq keńistik qurý týraly Kelisimge kelgen Qazaqstan, Reseı, Belarýs jáne Ýkraına memleketteriniń basshylary bas qosty. Samıtte tórtjaqty yntymaqtastyqtyń mańyzdy máseleleri talqylandy.
16-17 maýsym
Nursultan Nazarbaev Ózbekstan Respýblıkasynyń Tashkent qalasynda ótken Shanhaı Yntymaqtastyq Uıymyna múshe memleketter basshylary keńesiniń keńeıtilgen otyrysyna qatysty.
18 maýsym
Memleket basshysy Nur-Sultanda ótken EýrAzEQ Memleketaralyq Keńesiniń H otyrysyna tóraǵalyq etti.
Sol kúni Prezıdent Elordada UQSHU Ujymdyq Qaýipsizdik Keńesiniń kezekti sesıasyna qatysty.
28-29 maýsym
Elbasy Túrkıa Respýblıkasynyń Ystambul qalasynda ótken Soltústikatlantıkalyq alánsqa (NATO/ SEAP) múshe memleketter samıtine bardy.
2 tamyz
Memleket basshysy Qazaqstanǵa kelgen Amerıka Qurama Shtattary ortalyq áskerı basshylyǵynyń qolbasshysy, general Djon Abızeıdti qabyldady.
6 tamyz
Nursultan Nazarbaev Qazaqstan temirjolynyń 100 jyldyǵyna arnalǵan saltanatty jıynǵa qatysyp, temirjol salasy qyzmetkerlerin mereıtoıymen quttyqtady.
13-19 tamyz
Qazaqstan Prezıdenti Nursultan Nazarbaev jumys saparymen Grekıa Respýblıkasyna bardy. Sapar aıasynda Memleket basshysy qurmetti qonaq retinde HHVIII jazǵy Olımpıada oıyndarynyń saltanatty ashylý rásimine qatysty.
7 qyrkúıek
Prezıdent Elordada ótken Qazaqstan áıelderiniń IV Forýmyna qatysty.
8 qyrkúıek
Memleket basshysy óziniń Almatydaǵy rezıdensıasynda Qazaqstanǵa resmı saparmen kelgen Cheh Respýblıkasynyń Prezıdenti V.Klaýspen kezdesti.
15 qyrkúıek
Elordada Birtutas ekonomıkalyq keńistikke múshe memleketter basshylarynyń Samıti ótti. BEK elderiniń kóshbasshylary (Belarýs, Qazaqstan, Reseı jáne Ýkraına) shaǵyn quramda kezdesti, sodan keıin konsýltasıalar delegasıa músheleriniń qatysýymen jalǵasty. Talqylaý qorytyndysy boıynsha qabyldanǵan birlesken málimdemede Vladımır Pýtın, Aleksandr Lýkashenko, Nursultan Nazarbaev jáne Leonıd Kýchma BEK sheńberinde 2005 jylǵy 1 qańtardan bastap mejeli el boıynsha taýarlarmen, onyń ishinde tabıǵı gazben, munaımen jáne gaz kondensatymen ózara saýda kezinde QQS alý qaǵıdatyn engizý týraly jarıalady. Reseı, Belarýs, Ýkraına jáne Qazaqstan Prezıdentteri Joǵary deńgeıdegi topqa tórt memleket azamattarynyń shekaradan ótý erejelerin jeńildetý úshin qajetti kelisimder daıyndaýdy tapsyrdy. Sonymen qatar, memleket basshylary birinshi kezekte qol qoıýǵa jatatyn 29 Halyqaralyq qujattan turatyn tizimdi maquldady.
19 qyrkúıek
Aǵymdaǵy jyldyń basty saıası oqıǵasy – Qazaqstan Respýblıkasy Parlamenti Májilisiniń saılaýy ótti. Saılaýǵa qatysqan partıalar arasynda «Otan» – saılaýshylardyń 67,5 paıyzynyń daýysyn alsa, «Azamattyq» jáne «Agrarlyq» partıalardyń «AIST» blogy – 18,2 %, «Asar» - 5,2 %, «Aq jol» - 2,6 %, Qazaqstannyń demokratıalyq partıasy – 1,3 %, ózin-ózi usynǵandar – 5,2 % daýys jınady.
12 qazan
Nur-Sultan (ol kezde – Astana) qalasynda Qazaqstannyń Bilim jáne ǵylym qyzmetkerleriniń İİİ sezi bolyp ótti. Oǵan Elbasy Nursultan Nazarbaev qatysty.
17-18 qazan
Elbasy Dýshanbede ótken Ortalyq Azıa yntymaqtastyq uıymyna múshe memleketter basshylary keńesiniń basqosýyna bardy.
3 qarasha
Memleket basshysy Qazaqstan Respýblıkasy Parlamenti palatalarynyń birlesken otyrysyna qatysyp, úshinshi saılanǵan Parlamenttiń I sesıasyn ashty.
30 qarasha
Nursultan Nazarbaev uzyndyǵy 400 shaqyrymnan asatyn Altynsarın-Hromtaý temirjol jelisiniń tusaýyn kesti.
1 jeltoqsan
Memleket basshysy Qazaqstan Respýblıkasy Úkimetiniń múshelerimen Kaspıı teńizi qaırańynyń qazaqstandyq sektoryn ıgerýdiń memlekettik baǵdarlamasyn iske asyrý máseleleri jóninde keńes ótkizdi.
24 jeltoqsan
Memleket basshysy Qazaqstan Respýblıkasy Prezıdentiniń jańa rezıdensıasynyń ashylý saltanatyna qatysyp sóz sóıledi. «Qazaq eliniń elordasy Astana bolsa, Astanamyzdyń júregi endi osy Aqorda bolmaq» dedi Nursultan Nazarbaev.
STATISIKA:
2004 jyly, jalpy aıtqanda, Prezıdenttiń qatysýymen 300-den astam sharalar ótti. Elbasy respýblıka óńirlerine 14 ret, shet elderge 17 ret resmı saparǵa shyqty. Jyl aıasyndaǵy Memleket basshysynyń sapary 96 kúnge sozylsa, onyń 39 kúni - shetelde, 57 kúni - respýblıka aımaqtarynda ótken.
Bir jyl ishinde eldiń áleýmettik-ekonomıkalyq damýy, memlekettik kadr saıasatyn jetildirý, Kaspıı teńiziniń qazaqstandyq sektoryn ıgerý, búdjet jáne t.b.ózekti máseleler jóninde 30-ǵa jýyq keńester, jınalystar ótkizilgen. Barlyǵy eki myńnan astam qujattar men materıaldar qaralyp, onyń ishinde 118 Zań qabyldanyp, 231 Jarlyqqa qol qoıyldy.
JYL TÚIİNİ:
2004 jyly elimizdiń qoǵamdyq-saıası ómiriniń eleýli oqıǵalarynyń qatarynda sondaı-aq tyń jerlerdi ıgerýdiń 50 jyldyǵyn merekeleý, III Eýrazıalyq medıaforým, Qazaqstan áıelderiniń IV forýmy, Prezıdenttiń respýblıkalyq teledıdardaǵy tikeleı efıri, Bilim jáne ǵylym qyzmetkerleriniń III sezi sıaqty mańyzdy alqaly jıyndar bolǵanyn atap ótken jón.
Nursultan Nazarbaev jyl boıy qoǵam ókilderimen 2004-2006 jyldarǵa arnalǵan "Mádenı mura" memlekettik baǵdarlamasy máseleleri boıynsha birneshe ret kezdesti, ony iske asyrý Prezıdenttiń 2004 jylǵy 13 qańtardaǵy Jarlyǵyna sáıkes bastaý aldy.
Jyl sońynda Memleket basshysy Prezıdenttiń "Aqorda" rezıdensıasynyń saltanatty ashylý rásimine jáne Elordanyń sol jaǵalaýyndaǵy jańa ǵımaratta ótken Parlament Májilisiniń birinshi jalpy otyrysyna qatysty. Bul oqıǵalar Qazaqstannyń saıası damýdyń jańa kezeńine ótýiniń sımvolyndaı edi.
Elbasy ádettegideı, jylma-jyl, jyldardyń túıiser sátindegi Qazaqstan halqyn Jańa jylmen dástúrli quttyqtaýynda 2004 jylǵy el damýyna da óz baǵasyn berdi. «...Ótken jylǵa ókpemiz joq. Ósip-órkendeý jolyna túsken Qazaqstan júrisinen jańylmaı,arshyndap alǵa basty. Elimiz aman, jurtymyz tynysh, baýyrymyz bútin boldy.Halyqtyń ál-aýqaty ósip, memleketimizdiń abyroıy asqaqtady»,– dedi Nursultan Nazarbaev.
Táýelsiz Qazaqstan saıası damýdyń jańa kezeńine aıaq basty...
QAZAQSTAN RESPÝBLIKASYNYŃ 50 HALYQARALYQ BASTAMALARYNAN:
2004 jyly Qazaqstan Respýblıkasynyń Prezıdenti Nursultan Nazarbaevtyń: BUU Qaýipsizdik keńesin keńeıtý jáne BUU Bas hatshysynyń janyndaǵy Óńirlik uıymdar keńesin qurý qajettigi týraly usynysy halyqaralyq deńgeıde qoldaý tapty.