Dinı sala mamandary da zardap shekpegen.
Elde bolǵan jappaı ereýil kezinde eshqandaı meshit zardap shekken joq. Bul týraly elordadaǵy «Áziret sultan» meshitiniń bas ımamy Erbolat Júsipov málim etti, dep habarlaıdy Almaty-akshamy.kz QazAqparatqa silteme jasap.
«Allaǵa shúkir, meshitterge zardap kelgen joq. Osy tusta din mamandary buzaqylyqqa qarsymyz, din de qarsy. Sebebi arandatýshylyq esh jaqsylyqqa alyp kelmeıdi. Ol týraly jamaǵatqa aıtyp ta jatyrmyz. Paıǵambarymyz «iritki - uıyqtap jatatyn nárse, ony oıatqan adamǵa Allanyń qarǵysy bolsyn» degen. Sondaı-aq, hadısterde jazylǵandaı, «iritki kezinde turǵan adamnan otyrǵan adam jaqsy» delingen. Turaqtylyq, tynyshtyq - táńirdiń bergen syıy. Al ony saqtaý óz qolymyzda. Bizde meshitter zardap shekti degen eshqandaı maǵlumat joq», - dedi Erbolat Júsipov.
Odan bólek, ımam jappaı bassyzdyq kezinde dinı sala mamandarynyń da zardap shekpegenin jetkizdi.