14 shaǵynaýdanda sýmen jabdyqtaý jáne káriz jelileriniń qurylysy jalǵasady.
Almaty Óńirlik komýnıkasıalar qyzmetinde ótken brıfıńte qala ákiminiń orynbasary Muhıt Ázirbaev megapolıstiń ınjenerlik ınfraqurylymyn damytý týraly aıtyp berdi, dep habarlaıdy Almaty-akshamy.kz.
Spıkerdiń aıtýynsha, aǵymdaǵy jyly 14 shaǵyn aýdanda sýmen jabdyqtaý jáne káriz jelileriniń qurylysy jalǵasady, al alty shaǵynaýdanda jańasy bastalady.
«Budan basqa, Qarǵaly ózeninde jobalyq qýaty táýligine 15 myń m3 sý alatyn sý tartý qurylysynyń qurylysy júzege asyrylýda. Aqsaı ózenindegi jerústi kózi boıynsha 2022 jyly jobalyq qýaty táýligine 22 myń tekshe metr sý tartý qurylysyn salý josparlanýda. Bostandyq aýdanynda jobalyq qýaty táýligine 9 myń tekshe metr sý jınaý nysany men sý daıyndaý stansıasynyń (Ermensaı) qurylysy jobalanýda. Saraptama qorytyndysyn alý 2022 jyldyń naýryz aıyna josparlanǵan», - dedi Muhıt Ázirbaev.
Ákim orynbasarynyń aıtýynsha, bıyl 1 066 kóshe men 486 aýla aýmaǵynda syrtqy jaryqtandyrý qurylysy aıaqtalady, jyl ishinde 24 kósheni jaryqtandyrý jańartyldy.
Muhıt Ázirbaevtyń aıtýynsha, bıyl Medeý, Alataý jáne Naýryzbaı aýdandarynda jalpy uzyndyǵy 147,2 km elektr jelisin rekonstrýksıalaý aıaqtalady.
«Eki jańa qosalqy stansıanyń qurylysy boıynsha jumystar júrgizilýde: Bostandyq aýdanyndaǵy 200 myń tutynýshyny qamtı otyryp, Almagúl QS boıynsha – 100 MVt, Medeý jáne Túrksib aýdandaryndaǵy 200 myńǵa jýyq tutynýshyny qamtı otyryp, Tuzdybastaý QS boıynsha – 64 MVt qýattylyqtyń ósýi», - dep naqtylady ol.
Sondaı-aq, Jetisý aýdanynda jalpy qýaty 50 MVt «Kırpıchnaıa» QS boıynsha konkýrstyq úrdister bastaldy.
Ákimniń orynbasary atap ótkendeı, jylýmen úzdiksiz qamtamasyz etý jáne jylý energıasynyń tapshylyǵyn joıý úshin qazandyqtardyń qýatyn arttyrý boıynsha jumystar júrgizilýde: 2019 jyly bastalǵan negizgi jáne qosalqy jabdyqty aýystyra otyryp, «Ońtústik aýdandyq qazandyqty» qaıta jańartý 55 Gkal/saǵ qýat ósimin qamtamasyz etedi. Budan basqa, ótken jyly «Premera» qazandyǵyn keńeıtý boıynsha jumystar bastaldy, onyń qýaty 100 Gkal/saǵ.