Iýlıa Pýtınseva Indıan-Ýells (AQSH) WTA 1000 týrnıriniń tórtinshi aınalymyna shyqty, dep habarlaıdy almaty-akshamy.kz.
Qazaqstandyq tenısshi úshinshi aınalymda álemniń 20-raketkasy, amerıkalyq Medıson Kızdiń mysyn basty.
Iý.Pýtınseva eki sette de basymdyq tanytty – 6:4, 6:1.
Bir saǵat 22 mınýtqa sozylǵan báseke barysynda Iýlıa 7 breık-poınttyń beseýin múlt jibergen joq. Amerıkalyq sportshy 1 breıkpen (8 breık-poınt) shekteldi.
Iýlıa Pýtınseva shırek fınalǵa shyǵý úshin álemniń 1-raketkasy, Polsha ókili Iga Shventekpen talasady. Bul olardyń ózara úshinshi kezdesýi bolmaq. Osyǵan deıin eki machta da I.Shventek jeńiske jetken.
Qazaqstandyq tenısshi qazirgi sátte WTA Live reıtıńisinde 67-orynǵa kóterilip tur.
Qazaqstannyń erler arasynda birinshi, álemniń 20-raketkasy Aleksandr Býblık Indıan-Ýells masters týrnırinde jarys jolynan shyǵyp qaldy. Ol úshinshi aınalymda álemniń 10-raketkasy, aýstralıalyq Aleks de Mınorǵa jol berdi – 5:7, 0:6.
Ol sondaı-aq juptyq synda fransıalyq Adrıan Mannarınomen birge 1/8 fınalǵa óte almady. Qazaqstandyq-fransıalyq dýet tartysty oıynda dodanyń 7-raketkalary, germanıalyqtar Kevın Kravıs – Tım Púsqa jol berdi – 6:7 (6:8), 6:7 (6:8).