Bul - QR Ǵylym jáne Joǵary bilim mınıstri Saıasat Nurbektiń sózi.
Sońǵy úsh jylda elimizde 1,5 mıllıonǵa jýyq bala ómirge kelgen, dep habarlaıdy Almaty-akshamy.kz
«Búgingi tańda Qazaqstan, Ortalyq Azıa úlken demografıalyq ózgeristerdiń aldynda tur. Álem halqynyń sany 8 mlrd adamǵa jetti. Sońǵy 12 jylda 7 mlrd-tan 8 mlrd-qa jetip otyrmyz. Bul dúnıejúzi halqynyń sany qarqyndy ósip jatqanyn kórsetedi», - dedi Saıasat Nurbek.
Mınıstrdiń aıtýynsha, bul úrdis elimizde de baıqalǵan.
«Sońǵy 3 jylda elimizde 1,5 mıllıonǵa jýyq sábı dúnıege keldi. Boljam boıynsha osy jyldyń qorytyndysy boıynsha 500 myń bala ómirge keledi dep kútilýde. 2021 jyly 456 myń bala, 2020 jyly 426 myń bala dúnıege kelgen. Bul úsh jyl qatarynan tirkelgen demografıalyq rekord bolyp otyr. Sońǵy ret mundaı kórsetkish 1987 jyly tirkelgen. Ol ýaqytta 417 myń sábı ómirge kelgen bolatyn», - dedi ol.