Jankúıerlerine unaý úshin bárin jasaıtynyn aıtty.
WBA Super jáne IBF nusqalary boıynsha orta salmaqtaǵy álem chempıony Gennadıı Golovkın Saýl Kanelo Alverespen jekpe-jek qarsańynda jankúıerlerine úndeý joldady, dep habarlady Almaty-akshamy.kz.
«Barsha boks jankúıerine, osy jekpe-jekti kútip, ýaıymdap, meni qoldaıtyn barlyq janǵa alǵys aıtqym keledi. Men óz tarapymnan bul shynymen de keremet boks keshi, qazirgi kezdegi eń úlken jekpe-jek jáne keremet shoý bolatynyna kepildik bere alamyn. Sizderge unaý úshin bárin jasaımyz», – dedi GGG Instagram-da jarıalanǵan vıdeoda.
Qazaqstandyq sportshy vıdeoǵa úsh tilde sıpattama jazdy: «Very grateful for all your support! Barsha qoldaýlaryńyzǵa myń alǵys! Blagodaren za vsú vashý podderjký!»
Golovkın men «Kanelonyń» úshinshi jekpe-jegi 17 qyrkúıekte ekinshi orta salmaqta ótedi. Kezdesý Las-Vegastaǵy (Nevada, AQSH) T-Mobile Arena-da bolady. Aldyńǵy eki jekpe-jek te osynda ótken. Birinshisi kezdesý daýly teń nátıjemen aıaqtaldy, al ekinshide tóreshilerdiń sheshimimen meksıkalyq jeńiske jetti.
Buǵan deıin sportshylar baspasóz konferensıasynda kóz arbasqan edi.
Posmotret etý pýblıkasıý v Instagram