Jınaqqa 400-den astam qujattan aqparat engizilgen.
Almatyda asharshylyq týraly qujattar jınaǵynyń tusaýkeseri ótti, dep habarlaıdy Almaty-akshamy.kz Almaty.tv silteme jasap.
Kitaptyń jaryq kórýine Prezıdenttiń «Táýelsizdik bárinen qymbat» atty maqalasy negiz boldy. Jıynǵa qonaq retinde ǵalymdar, jýrnalıser men zıaly qaýym ókilderi qatysty. Kele almaǵandar Zoom platformasy arqyly onlaın qosyldy. Jınaqtyń shyǵýyna septigin tıgizgen ǵalymdar mereıtoılyq medelmen marapattaldy.
«Maqaladaǵy Prezıdentimizdiń sózine jaýap retinde biz osy Memlekettik arhıvtiń ujymy osy ashtyqqa qatysty qujattardyń barlyǵyn toptastyryp, sonymen qatar Reseıden alyp kelingen Qazaqstanda joq, óte sırek kezdesetin bir dana saqtalyp qalǵan, sol kezeńde shyqqan búlleten men kitaptardy, ashtyqqa qatysty shyqqan materıaldardy toptastyryp kirgizdik», – dedi QR Ortalyq memlekettik arhıviniń dırektory Sábıt Shildebaı.
Aıta keteıik, jınaq málimetterin jınaýǵa arhıv qyzmetkerleri, tanymal ǵalym Rashıd Orazov pen jas arhıvshiler tartylǵan. 400-den astam qujattan aqparat engizilgen. Tar zamannan syr shertken kitaptar endi kitaphanalarǵa úlestiriledi.
«Biz respýblıkadaǵy oblys bolsyn, myna Ulttyq kitaphanamyz bolsyn, ǵylymı otralyq kitaphanalar bolsyn jáne ózge de kitaphanalarǵa úlestiriledi.
«Biz respýblıkadaǵy oblys bolsyn, myna Ulttyq kitaphanamyz bolsyn, ǵylymı ortalyq kitaphanalar bolsyn jáne ózge de kitaphanalarǵa tegin taratylady. Kitappen tanysý, jınaqtyń berer mańyzy óte zor», – dedi QR Ortalyq memlekettik arhıviniń jetekshi ǵylymı qyzmetkeri Zıra Tólenova.