Tehnıkalyq sharttar tegin jáne onlaın rejıminde beriledi.
Qazaqstandyqtar úshin gaz qostyrý kezinde birinshi qujatty alý tártibi jeńildetildi, dep habarlaıdy Almaty-akshamy.kz Energetıka mınıstrliginiń baspasóz qyzmetine silteme jasap.
«Tehnıkalyq sharttardy alýǵa ótinimdi onlaın rejıminde «QazTransGaz Aımaq» AQ saıtyndaǵy tutynýshynyń jeke kabınetinde, sondaı-aq kompanıanyń óńirlerdegi óndiristik fılıaldarynyń mekenjaılary boıynsha berýge bolady», - dep jazylǵan habarlamada.
Energetıka mınıstrligindegiler ótinish óńdelgennen keıin, daıyn tehnıkalyq shartty SMS habarlama túrinde joldanǵan siltemeden júktep alýǵa bolatynyn túsindirdi.
Vedomstvodaǵylar atap ótkendeı, «QazTransGaz Aımaq» AQ qujattardy berýdi tegin júzege asyrady.
«Tehnıkalyq sharttardy bergeni úshin aqy talap etse, sondaı-aq kompanıa qyzmetkerleriniń zańsyz jáne sybaılas jemqorlyq belgileri bar áreketteriniń basqa da faktileri anyqtalsa, habarlaýdy suraımyz. «QazTransGaz Aımaq» AQ biryńǵaı baılanys ortalyǵyna 5169 telefony nemese +7 777 121 26 26 nómirindegi messendjerler arqyly jazyp, qońyraý shalýǵa bolady. Qazaqstan aýmaǵynan qońyraý shalý tegin», - dedi mınıstrliktegiler.