Týrıs áıel taýǵa, «Terra» alańyna jalǵyz ózi shyqqan.
7 qańtar kúni taýǵa shyǵyp, jaıaý serýendep bolǵannan keıin, 1983 jyly týǵan áıel kólikke qaraı túsý kezinde telefonyn jáne baqylaý taıaqshalaryn joǵaltyp aldy. Áıel taýdan túsip bara jatqanda, shamaly qar kóshkini túsip, zardap shegýshini qulatyp, «Prohodnaıa» ózenine qaraı alyp ketti, dep habarlaıdy Almaty-akshamy.kz QazAqparatqa silteme jasap.
9 qańtarda saǵat 5.00 shamasynda TJM «RJQJ» MM kezekshi bólimine Alma-Arasan shatqalynda joǵalǵan áıel týraly shaqyrý tústi. Jeke quramnyń 11 qutqarýshysy, onyń ishinde 1 kınologıalyq eseptoptan turatyn jedel top 2 avtomobıl tehnıkasymen qutqarýǵa shyqty.
«RJQJ qyzmetkerleri týrısi túni boıy jartasty jáne qarly taýlardan izdedi. Odan bólek, birneshe eriktiler uıymdary, sonyń ishinde «Dobrospas» jáne «Lıder», sondaı-aq «Qutqarý qyzmeti» qatysty. İzdeý jumystary túni boıy jalǵasty. Túngi saǵat 4-ke taıaý zardap shekken týrıs tabyldy jáne barlyq izdeý toptary berilgen koordınattarǵa qaraı jyljydy. Qutqarýshylar barlyq qajetti kómek kórsetip, týrısti Prohodnoe shatqalyna tasymaldaýdy bastady. Tasymaldaý aıaqtalǵannan keıin, zardap shegýshi AMO brıgadasyna berildi», - dep jazdy TJM-nan.