Qazaqstanda syrttan tamaqtaný qymbattap ketti.
Ulttyq statısıka búrosynyń málimetinshe, asqana qyzmetteri bir jylda 26,6%, fast-fýd uıymdarynyń qyzmeti - 17,1%, meıramhanalar men dámhanalar qyzmeti - 20,6% qymbattaǵan, dep habarlaıdy Almaty-akshamy.kz Ranking.kz-ke silteme jasap.
Aı saıynǵy dınamıka boıynsha baǵanyń ósýin Jetisý óńiriniń turǵyndary birinshi kezekte sezindi: bul aımaqta tamaqtaný birden 13,9%-ǵa qymbattaǵan. Alǵashqy úshtikke Shymkent pen Almaty oblysy da kirdi: sáıkesinshe, aıyna +9,9% jáne +7,3%-dyq ósim. Jeti oblysta bir aıda baǵa ózgergen joq.
Jyldyq dınamıka boıynsha baǵanyń eń qatty ósýi dál sol Jetisý oblysynda tirkelgen: birden 44,7% qymbatshylyq. Baǵalar Shymkentte (40,3%-ǵa) jáne elordada da (38,5%-ǵa) aıtarlyqtaı ósti. Baǵanyń eń az ósimi Pavlodar oblysynda baıqaldy: munda jylyna 6,2%-ǵa qymbattaǵan.
Meıramhanalar men dámhanalar qyzmeti baǵasynyń eń kóp jyldyq ósýi Jetisý oblysynda (44,4%), eń azy – Almaty qalasynda (5,2%) tirkeldi.
Fast-fýd uıymdarynyń qyzmetterine baǵanyń neǵurlym eleýli ósýi Atyraý oblysynda (38%), eń azy – Pavlodar oblysynda (4,5%) baıqaldy.
Asqana qyzmeti eń kóp Jetisý oblysynda (52%), eń az Pavlodar oblysynda (7%) qymbattady.
2022 jyldyń qarasha aıynyń qorytyndysy boıynsha qoǵamdyq tamaqtaný uıymdarynyń qyzmeti bir aıda 2,7%, bir jylda 23,4% qymbattady.