Astana qalasynda bokstan jastar arasyndaǵy Azıa chempıonatynda qazaqstandyq qyzdar búgin bes altyn aldy.
Jastar arasynda fınalǵa shyqqan bes qazaqstandyq boksshynyń bári de jeńimpaz atandy, dep habarlaıdy Almaty-akshamy.kz.
Aldymen 50 kelige deıingi salmaqta Elánýr Turǵanova úndistandyq Anshýdan jeńisti julyp aldy.
Uljan Sársenbek 57 kelige deıingi salmaqta ózbekstandyq Mýshtarıýbonı Ibrohımjonovaǵa úsh raýnd boıy soqqylaryn dál tıgizip, eki márte Azıa chempıony atandy.
Ásem Tańatar 63 kelige deıingi salmaqta úndistandyq Dıpamen tartysty básekede 4:1 esebimen basymdylyq tanytty.
Baqyt Seıdish 66 kelige deıingi salmaqta ótken jyly Azıada úzdik shyqqan edi. Bıyl sol tabysyn qaıtalap, sońǵy básekede úndistandyq Kajalǵa esh múmkindik qaldyrǵan joq.
Shuǵyla Nálibaı 75 kelige deıingi salmaqta ózbekstandyq Sanobar Bozorboevany alǵashqy eki raýndta-aq úsh ret nokdaýnǵa jiberip, aıqyn basymdylyqpen jeńdi.
Osylaısha, jasóspirimderdi qosqanda, Qazaqstan qorjynyna 11 altyn medal tústi.
Endi básekeni jas jigitterimiz jalǵastyrady.
Eske sala keteıik, budan buryn bokstan Azıa chempıonatynda alty boksshymyz top jarǵanyn habarlaǵan bolatynbyz.