Almaty qalasy Naýryzbaı aýdanynda jańa mektepter men balabaqshalardyń qurylysy qarqyndy júrgizilip otyr.
Bul oqýshy oryndarynyń tapshylyǵyn azaıtýǵa, bilim berý salasynyń jaǵdaıyn jaqsartýǵa múmkindik beredi, dep habarlaıdy Almaty-akshamy.kz.
«Jaıly mektep» ulttyq jobasy aıasynda «Qazaq stroy» JSHS qurylys kompanıasy 2400 oryndyq eki jańa mekteptiń qurylysyn qolǵa alǵan. Eki mekteptiń biri «Alem city» TÚK aýmaǵynda ornalasqan. Qurylys jumystary 2024 jyldyń birinshi toqsanynda aıaqtalady. Ekinshi mektep «Alma Sıtı-4» turǵyn úı kesheni, Alataý dańǵylynyń boıyna salynady. Jospar boıynsha qurylys-montaj jumystary 2024 jyldyń tórtinshi toqsanynda aıaqtalady.
Sonymen qatar, 2023 jyldyń qyrkúıek aıynda «Quramys», «Shuǵyla» shaǵyn aýdandarynda («Nurly Dala» TÚK) jáne Sábdenov kóshesinde 5500 oqýshyǵa arnalǵan úsh qosymsha mekteptiń qurylys jumystary bastaldy. Bul jobalardyń merdigeri «Samruk-Kazyna Construction» AQ.
Bilim berý ınfraqurylymyn jaqsartý maqsatynda Bilim basqarmasy 375 oqýshyǵa arnalǵan №174 mektep-gımnazıa ǵımaratyna qosalqy ǵımarat qurylysyn salý boıynsha joba ázirledi. Qurylys jumystary osy jyldyń qarasha aıynda bastalýǵa tıis.
Buǵan qosa, «Shuǵyla» shaǵyn aýdanynda 320 oryndyq balabaqsha salynyp jatyr. Merdiger kompanıa «Astana Stroı Invest» JSHS bul jumysty 2023 jyldyń sońyna deıin aıaqtaýdy josparlap otyr.
2024 jylǵa josparlanǵan jobalar:
1. «Shuǵyla» sh/a («Nurly Dala» TÚK) – 320 oryndyq balabaqsha;
2. «Quramys» sh/a – 320 oryndyq balabaqsha;
3. «Qalqaman-2» sh/a – 240 oryndyq balabaqsha;
Ári «Shuǵyla» shaǵyn aýdanynda 320 oryndyq balabaqshanyń jobalaý-smetalyq qujattamasy ázirlenip jatyr. Qurylys jumystary 2024 jyldyń úshinshi toqsanynda bastalady.
Mektepter men balabaqshalar – bilim berý ınfraqurylymyn damytýǵa jáne balalardy oqytýǵa qolaıly jaǵdaı jasaýdaǵy mańyzdy qadam.