Qor kólemi halyqtyń benzınge degen qajettiligin tolyq qamtamasyz etýge jetkilikti
QR Energetıka mınıstrligi áleýmettik jelidegi «janarmaı beketterinde benzın joq» degen málimetti joqqa shyǵardy, dep habarlaıdy Almaty-akshamy.kz vedomstvanyń baspasóz qyzmetine silteme jasap.
«Birqatar BAQ pen áleýmettik jelilerde «keıbir janarmaı quıý beketterinde benzın joq» degen aqparat paıda boldy. Energetıka mınıstrligi munaı óńdeý zaýyttarynda janar-jaǵarmaı óndirisi úzdiksiz júrgizilip jatqanyn habarlaıdy. Qor kólemi halyqtyń benzınge degen qajettiligin tolyq qamtamasyz etýge jetkilikti», – dep jazady mınıstrliktiń baspasóz qyzmeti.
Vedomstvonyń málimetine sensek, elde benzın tapshylyǵyn týǵyzatyndaı negiz ben alǵyshart joq.
«Eger janar-jaǵarmaı quıý stansıalary benzınniń joqtyǵyn alǵa tartyp, satýdan bas tartsa, bul týraly aqparatty dereý +7 777 999 52 18 WhatsApp nómiri boıynsha habarlaýdy suraımyz. Energetıka mınıstrliginiń mamandary aqparattyń rastyǵyn tekseredi. Naryqta janar-jaǵarmaı materıaldarynyń baǵasy negizsiz ósýi jáne jasandy tapshylyq týǵyzý áreketteri faktileri boıynsha tıisti sharalar qabyldaý úshin quzyrly organdarǵa joldanady», – delingen resmı aqparatta.