Sporttaǵy ádiletsizdik týraly ótinishter kóbeıgen
Taldyqorǵanda aýyr atletıkadan jattyqtyrýshylar keńesiniń otyrysy ótti. Bul týraly QR Mádenıet jáne sport mınıstrliginiń baspasóz qyzmetinen málim etti, dep habarlaıdy Almaty-akshamy.kz.
Otyrys barysynda aýyr atletıkadan Qazaqstan quramasynyń bas bapkeri bolyp Dáýren Bekmuhanbetov saılandy.
Otyrys barysynda jattyqtyrýshylar Keńesiniń basym kópshilik daýysymen Dáýren Bekmuhanbetov aýyr atletıkadan Qazaqstan quramasynyń bas bapkeri bolyp saılandy.
«Ashyǵyn aıtý kerek, tanymal sportshy Albert Lınderdiń qaıtys bolýy jáne odan keıingi sportshylardyń, jattyqtyrýshylardyń, sondaı-aq Albert Lınderdiń týystarynyń kóptegen úndeýleri men ózge de oqıǵalar túbegeıli sharalar qabyldaýǵa sebep boldy. Mınıstrdiń aralasýynan keıin jattyqtyrýshylar shtaby tarapynan óreskel buzýshylyqtar anyqtalyp, nátıjesinde quramanyń bas jattyqtyrýshysy Baqyt Ahmetov, aǵa jattyqtyrýshy Sergeı Sedov jáne basqalar jumystan shettetildi», -dep jazady vedomstvonyń resmı saıty.
Mádenıtet jáne sport mınıstri Aqtoty Raıymqulova otyrys barysynda sporttaǵy ádiletsizdik týraly ótinishterdiń kóbeıgenin, ol málimdemelerdiń anyq-qanyǵyn anyqtaýmen aınalysatyn sport ombýdsmeni taǵaıyndalǵanyn eske saldy. Bul qyzmetke Sıdneı Olımpıadasynyń kúmis júldegeri Islam Baıramýkov kelgen bolatyn.