Eskertkishtiń avtory mádenıet salasynyń óner qaıratkeri Erkin Ahmetollauly
Sarqan aýdanynda Táýelsizdiktiń 30 jyldyǵyna oraı Aldıar batyrǵa arnalǵan eńseli eskertkish ashyldy, dep habarlaıdy Almaty-akshamy.kz aýdan ákimdiginiń baspasóz qyzmetine silteme jasap.
«Ótkensiz búgin joq, búginsiz bolashaq joq», - degen ulaǵatty sózdi esten shyǵarmaı tarıhta izi qalǵan tulǵalarǵa taǵzym etýdi qasıetti paryzymyzdyń biri.
Árbir qazaq - ulyn ulyqtap, batyryn urandap kóteretin ótkenine qurmetpen qaraıtyn dara el. Aýdanymyzda sonaý ótken ǵasyrlardyń ózinde qol bastap, eline jalaý bola bilgen jaý júrek batyrlarymyz az bolmaǵan bilemiz. Solardyń biregeıi, sadyr rýynan shyqqan Aldıar babamyz.
El uranyna aınalǵan bahadúr babamyzǵa arnap qoıylǵan tas músin arqyly, keler urpaqqa úlgi ónege bolary sózsiz», - dedi aýdan ákimi Talǵat Qanatuly.
Aldıar Elekeuly, jaýgershilik zamanda elge pana bolyp, jer qorǵaǵan batyr babamyz 1641-1712 jyldar ómir súrgen. Ol qazaq-qalmaq, qazaq-qoqan, qazaq-shúrshit shaıqastaryna qatysqan. Táýke hannyń qol bastar senimdi joldasy bola bilgen has batyr.
Ornatylǵan eskertkishtiń bıiktigi 5 metr, salmaǵy 5 tonnany bolatyn tas músin taza qoladan quıylǵan. Endi, saparǵa shyqqan jolaýshylar batyrdyń aq batasymen úlken saparǵa attanbaq.
Eńseli eskertkishtiń avtory QR músinshiler odaǵynyń múshesi, mádenıet salasynyń óner qaıratkeri Erkin Ahmetollauly.
Sondaı-aq, dańqty qolbasshy Aldıar Elekeulynyń rýhyna arnalǵan úlken as berildi.
Aýdan ortalyǵy Sarqan qalasyndaǵy M.Tynyshbaev atyndaǵy alańda qazaq estradasynyń ánshileri Ramazan Stamǵazıev, Serikbol Saılaýbek jáne «Aǵaıyndylar» toby kelip, jurtshylyqqa konserttik baǵdarlamasyn usyndy.
Osynaý ıgi iske qoldaý tanytqan «Babalar rýhy» qoǵamdyq qoryna, aýdanymyzdyń jomart jandy azamattaryna jáne barsha aýdan turǵyndaryna shynaıy alǵys bildiremiz!
Aıta ketken jón, demeýshilerdiń kómegimen eskertkishti ornatýǵa 46 mln.teńge qarajat jumsalǵan.