Memleket basshysynyń tapsyrmasyna sáıkes QR Mádenıet jáne aqparat mınıstrligi ádebı salany damytýǵa jáne jas avtorlardy qoldaýǵa baǵyttalǵan birqatar jobalardy júzege asyrýda.
Sondaı jobanyń biri – Almaty oblysynan bastaý alǵan jas aqyn-jazýshylarǵa arnalǵan ádebı týr.
Mınıstrlik janynan qurylǵan «Alqa»jastar klýbynyń músheleri balalar ádebıetiniń báıteregi Berdibek Soqpaqbaevtyń 100 jyldyǵyna oraı jazýshynyń aýyly Qostóbege baryp, qalamger oqyǵan tarıhı mekteppen tanysty, dep habarlaıdy aqshamnews.kz.
Sonymen qatar muzbalaq aqyn Muqaǵalı Maqataevtyń týǵan jeri Qarasazǵa taban tirep, aqynnyń ómirinen syr shertetin Muqaǵalı Maqataevtyń ádebı-memorıaldy mýzeıine bardy.
Mýzeıdiń úsh ekspozısıalyq zalynda aqynnyń 1200-den asa eksponaty, jumys ústeli men qoldanǵan zattary jáne qoljazbalary qoıylǵan. Sapar barysynda jas aqyndar jyr oqyp, ádebı kesh ótti.
İs-shara aıasynda qatysýshylar Raıymbek batyr eskertkishine taǵzym jasap, Kólsaı, Sharyn shatqalynda boldy.
Ádebı týr İlıas Jansúgirovtiń 130 jyldyǵyna oraı Jetisý oblysynda jalǵasady.