Qazaqstandyq anımasıany jańa belester kútedi.
Otandyq mýlttoptama jandanýdy qajet etedi, dep habarlaıdy Almaty-akshamy.kz. 24.kz-ke silteme jasap.
Zamanaýı úlgidegi anımasıalyq ónimderge eńbektegen baladan eńkeıgen kárige deıin qyzyǵatyny anyq. Alaıda qazaqstandyqtardyń kóńilinen shyǵyp, keńinen tanylǵan otandyq týyndy neken-saıaq. Qazaq ertegisiniń jelisimen anımasıalyq fılmderdi túsirip, olardyń tanymaldylyǵyn arttyrýǵa ne kedergi? Qazaqstandyqtardy eleń etkizgen Ertóstik týraly tuńǵysh tolyq metrajdy fılmniń shyqqanyna 10 jylǵa taıady. Alaıda 3D formatta salynǵan batyrdyń beınesi esh jerden kórinbeı, kómeskilenip qaldy. Ertóstiktiń áıgili Marvel keıipkerlerindeı tanymaldylyqqa tatıtyny anyq. Biraq zamanaýı batyr fenomenin týdyra almady.
Anımasıa salasynyń mamany, Ulttyq kınony qoldaý memlekettik ortalyǵynyń bas prodúseri Adaı Ábeldınovtyń pikirinshe, tolyq metrajdy bir fılmge qaraǵanda, kóp serıaly múltfılmderdiń qaralymy jaqsyraq.
«Olardyń tanymaldylyǵy, kóptep, sanmen aıtqanda, kóptep konveıermen shyǵarady. Kóp shyǵarǵan kezde onyń aýqymy da kóp bolady. Bizge qazirgi satyda keıipkerdiń tanymaldylyǵyn arttyrý úshin, árıne, sanyn ósirý kerek», - dedi Adaı Ábeldınov.