Pandemıa kezinde dinge senýshiler shirkeýge júginedi, onda olar vaksınaǵa da qatysty suraqtarǵa jaýap izdeıdi. Almaty eparhıasynyń vıkary, Taldyqorǵan epıskopy Nektarıı Orys Pravoslavıe shirkeýiniń vaksınalaý máselesine tanymy týraly aıtyp, koronavırýspen kúrestiń aldyńǵy shebinde jumys isteıtin ǵalymdar men dárigerlerdiń alǵys pen qurmetke laıyq ekenin atap ótti, dep habarlaıdy almaty-akshamy.kz.
Din ókiliniń aıtýynsha, búginde bizdiń qoǵam áli buryn kezdespegen koronavırýstyq ınfeksıanyń aýyr synaqtaryn bastan ótkerýde.
«COVID-19 kóptegen adamdardyń ómirin qıdy jáne elder men halyqtardyń ómirine aıtarlyqtaı kedergi keltirdi. Saldaryn joıýǵa jáne aýrýdyń odan ári taralýyna jol bermeýge kóp kúsh salyp jatqan ǵalymdar men dárigerler zor rızashylyq pen qurmetke laıyq. Kúres sharalarynyń biri retinde mamandar vaksına alýdy usynady. Búginde burynǵydaı medısına ǵylymynyń, sonyń ishinde ekpe arqyly kóptegen aýrýlardyń aldyn alýǵa, ólim-jitimdi tómendetýge jáne ómir súrý uzaqtyǵyn arttyrýǵa múmkindik týdy», - deıdi almatylyq eparhıanyń vıkary.
Ol kóptegen epıdemıalar kezinde ekpe qoldaný arqyly joıylǵanyn qadap turyp aıtty. OPSH ókili osy jyldyń mamyr aıynda Máskeýdegi Sretenskaıa teologıalyq akademıasynda pravoslav ilimi aıasynda vaksınasıa men etıkalyq máselelerdi talqylaý úshin dóńgelek ústel ótkizilgenin habarlady. Sarapshylar men pravoslavıeniń qaýymdastyq ókilderi vaksına saldyrý nemese odan bas tartý ár adamnyń jeke sheshimi dedi. Al vaksınalaý týraly teris pikir taratýshylardyń jalǵan sózderine senbeý, jasyryn chıpteý týraly konspırologıalyq pikirler «anarhıs móriniń qabyldanýymen» birdeı dep sanalatyn jalǵan ilimderdiń taralýy úlken kúná ekenin atap ótti.
«Shirkeý ımmýnologıa salasyndaǵy zertteýler men koronavırýstyq ınfeksıamen kúresýdiń túrli medısınalyq sharalaryn damytýdy, vaksınalaý máselesinde jeke quqyqtyń saqtalýyn qoldaıdy», - dedi Taldyqorǵan qalasynyń Nektarıı epıskopy.
Ol Qazaqstannyń pravoslav shirkeýiniń basshysy, Astana men Qazaqstan mıtropolıti Aleksandrdyń bastamasymen Almaty qalasynyń turǵyndary úshin Reseıden Spýtnık V vaksınasynyń 10 800 dozasy satyp alynǵanyn aıtty. 1-shi jáne 2-shi komponenttermen 5400 almatylyqty koronavırýsqa qarsy vaksınalaýǵa bolady.
Vaksına Almatyǵa 2021 jyldyń 9 tamyzynda Áýlıe Lúk atyndaǵy medısınalyq ortalyqqa (Voıno-Áseneskıı) jetkiziledi, sodan keıin Almaty qalasy ákimdiginiń ókilderine tapsyrylady.
OPSH ókili vaksına turǵyndardyń densaýlyǵyn saqtap, olardyń aǵzasyn nyǵaıtady dep sanaıdy.
Atap aıtqanda, álemdik dinı ókilderi vaksınalanýdan bas tartatyn barlyq dinı senýshiler tek ózderin ǵana emes, aınalasyndaǵylardyń densaýlyǵyn oılaýlary tıis. Óıtkeni, barlyq din eń aldymen jaqyndaryn qorǵaýdy basty paryz sanaıdy.