Qazaqstanda alǵash ret ústel tenısinen «2021 ITTF Kazakhstan International Open» halyqaralyq týrnıri ótedi
15-19 qyrkúıek aralyǵyna josparlanǵan dúbirli doda Qaraǵandy qalasyndaǵy jańa «Saryarka» ústel tenıs ortalyǵynda uıymdastyrylady, dep habarlaıdy Almaty-akshamy.kz
Baıraqty básekege Avstrıa, Saýd Arabıasy, Úndistan, Belarýs, Reseı, Ózbekstan, Qyrǵyzstan, Mońǵolıa men Qazaqstannan 70 -ten astam sportshy qatysady. Júlde qory 30 myń AQSH dollaryn quraıtyn bul bedeldi jarys ITTF halyqaralyq ústel tenısi federasıasynyń TMD elderindegi bıylǵy jalǵyz reıtıńtik týrnıri bolyp tabylady.
Eki Olımpıada oıyndarynyń qatysýshysy jáne ulttyq quramanyń kóshbasshysy Kırıll Gerasımenko týrnırge Qazaqstan quramasynyń quramynda qatysady. Týrnırdi Qazsport telearnasy men Halyqaralyq ITTF federasıasynyń resmı saıty tikeleı kórsetedi.