Kelýshilerdiń sany jyl basynan beri 100 000 adamnan asyp ketti.
Bul týraly Óńirlik komýnıkasıalar qyzmetiniń baspasóz konferensıasy kezinde Almaty qalalyq mádenıet basqarmasynyń basshysy Ǵanı Maılybaev málimdedi. Ol ótken jyldan bastap qala ákimi Baqytjan Saǵyntaevtyń bastamasymen Almatynyń Alataý aýdanynda arnaıy shyǵarmashylyq hab iske qosylǵanyn eske saldy, dep habarlaıdy Almaty-akshamy.kz.
Ǵanı Maılybaevtyń aıtýynsha, jańa keńistikte balalarǵa arnalǵan 25 tegin shyǵarmashylyq úıirme, kovorkıng-keńistik pen sheberlik sabaqtaryna arnalǵan alańdar turǵyndarǵa qyzmet kórsetedi. Kelýshilerdiń sany jyl basynan beri 100 000 adamnan asyp ketti.
««Almaty-2050» uzaq merzimdi damý strategıasyndaǵy basym baǵyttardyń biri – shyǵarmashylyq ındýstrıany damytý. Sondyqtan munda Murat Muturǵanovtyń «Sen juldyzsyń» sırk óneri mektebi, Dıana Sharapovanyń vokal mektebiniń mýzyka kýrstary, «Art Bit» mýltımedıalyq óner ortalyǵy – ónerdegi jańa tehnologıalarǵa baǵyttalǵan oqý-kórme ortalyǵy tegin jumys jasaıdy. Hab qazirgi zamanǵy óner túrlerinen basqa, halyqtyq dástúrlerdi shyǵarmashylyqpen zertteýge múmkindik beredi. Osyndaı úıirmelerdiń biri – Etnokonstruktor - halyqtyq dástúr rýhyndaǵy oıyn», - dedi Ǵanı Maılybaev.
Mádenıet basqarmasy basshysynyń pikirinshe, «ALATAU CREATIVE HUB» mádenı, ıntellektýaldyq jáne daryndy damytýdyń shynaıy oshaǵyna aınaldy.
Spıker strategıa aıasynda qaladaǵy Máýlenov kóshesi, 46 mekenjaıda jańa kitaphana, sondaı-aq Nazarbaev dańǵyly, 122 mekenjaıda «MEDEU CREATIVE HUB» mýzykalyq ónerge baýlıtyn jastar ortalyqtarynyń ashylatynyn aıtty. Munda jyl saıyn 500-den astam is-shara ótkizý josparlanýda.