Fýtbol juldyzy jańa beleske kóterildi
Portýgalıa quramasynyń kapıtany Krıshtıaný Ronaldý taǵy bir álemdik rekordty ornatty, dep habarlaıdy Almaty-akshamy.kz Rrosports.kz-ke silteme jasap.
Forvard 2022 jylǵy álem chempıonatynyń irikteý kezeńinde Irlandıa qaqpasyna eki gol soǵyp, komandasyna jeńis syılady.
Ol bul machta ulttyq qurama sapyndaǵy 110-golyn salyp, esepti teńestirgen. Osylaısha Krıshtıaný ırandyq forvard Alı Daeıden ozyp ketti, bul fýtbolshy óz quramasy sapynda 109 gol salǵan. Keıin Ronaldý Irlandıa qaqpasyna taǵy bir gol soǵyp, óz rekordyn jańartty.
Bul oıyn 2:1 esebimen portýgalıalyqtardyń jeńisimen aıaqtaldy. Krıshtıaný Ronaldýdyń enshisinde qazir birqatar álemdik rekord bar.
Fýtbolshy bıyl Eýropa chempıonattary tarıhyndaǵy úzdik surmergen atanǵan - 14 gol. Sonymen qatar, ol Chempıondar lıgasynyń (129 gol) úzdik surmergeni. Karerasynda onnan asa mańyzdy rekord ornatqan.