Sońǵy ýaqytta elimizde qarjylyq pıramıdalar da, olarǵa senip, barynan aıyrylǵandar da kóbeıip ketti.
Qazaqstan Respýblıkasynyń Qarjylyq monıtorıń agenttiginiń málimetinshe, LV Force qarjy pıramıdasynyń zańsyz qyzmetiniń keltirgen shyǵyny 450 mln. teńgeden asady, dep habarlaıdy Almaty-akshamy.kz
Qarjy monıtorıńi agenttigi azamattarǵa QR Ákimshilik quqyq buzýshylyq týraly kodeksiniń 150-babymen jáne QR Qylmystyq kodeksiniń 217-babymen qarjy pıramıdalaryn jarnamalaý jáne olardyń qyzmetin júzege asyrý úshin ákimshilik jáne qylmystyq jaýapkershilik qarastyrylǵanyn eskertedi.
Aqmola oblysy boıynsha Qarjylyq monıtorıń agenttiginiń aýmaqtyq departamenti «LV Force» qarjy pıramıdasynyń zańsyz qyzmetiniń jolyn kesti. Qabyldanǵan sharalardyń nátıjesinde Shymkent, Almaty qalalarynda jáne Shyǵys Qazaqstan, Batys Qazaqstan, Aqtóbe, Qyzylorda, Mańǵystaý oblystarynda «LV Force» qarjy pıramıdasynyń bólimsheleri joıyldy.
Qarjy pıramıdasyna 2000-nan astam adam aldanyp qalǵan. Keltirilgen shyǵyn 450 mln. teńgeden asty. Qazirgi ýaqytta alaıaqtyq sqemanyń basty uıymdastyrýshysy 2 aıǵa qamaýǵa alyndy.