Tirshilik kózin qoljetimdi etý úshin bar kúsh-jigerdi salý kerek.
21 shildede Almaty ákimi Baqytjan Saǵyntaev «Almaty» telearnasynyń tikeleı efırinde jobalardyń onlaın-prezentasıasyn ótkizdi.Bul prezentasıa barysynda shahar basshysy qalanyń komýnaldyq ınfraqurylymyn damytý jáne jańǵyrtý, sý burý jáne sýmen jabdyqtaý, qala kóshelerin jaryqtandyrý týraly aıtyp berdi. «Almatybasjosparlaý» ǵylymı-zertteý ınstıtýtynyń bas ınjeneri Gúlnar Maıdanqyzy Almatynyń birqatar shaǵynaýdandarynda sý qubyry men káriz júıesi múldem bolmaǵandyǵyn aıtty, dep habarlaıdy Almaty-akshamy.kz.
«Búginde aýyz sýdyń sapasy men qoljetimdiligi álemdik máselege aınalyp otyr. Sebebi, halyqty sapaly aýyz sýmen qamtý - eń mańyzdy áleýmettik máseleniń biri. Sondyqtan tirshilik kózin qoljetimdi etý úshin bar kúsh-jigerdi salý kerek dep sanaımyn. Qala ákimi Baqytjan Saǵyntaev kezekti tikeleı efırinde qala aýdandaryn sý júıesimen qamtamasyz etý maqsatynda salynyp jatqan jáne josparlanǵan ınjenerlik jeliler qurylysymen tanystyrdy. Infraqurylymnyń ortalyq aımaqtarda birkelki damymaǵanyn, alaıda bul jaǵdaı qosalqy aýdandar men shet aımaqtarmen salystyrǵanda jaqsy ekenin atap ótti» », – deıdi Gúlnar Maıdanqyzy.
Gúlnar Maıdanqyzynyń aıtýynsha, qalanyń keıbir bólikterinde áli de turaqty sýmen jabdyqtaý joq.
«Turǵyndar kóshe baǵandaryn nemese burynǵy sharýa qojalyqtarynyń jelilerin paıdalanýǵa májbúr. Birqatar shaǵynaýdandarda sý qubyry men káriz júıesi múldem bolmaǵan.Qala turǵyndaryn sapaly aýyzsýmen qamtý olardyń sapaly ómir súrýine tikeleı qatysty», – deıdi Gúlnar Maıdanqyzy.