Jańa jyldan bastap mobıldi aýdarymdy Memlekettik kirister komıteti baqylaıdy, dep habarlaıdy Almaty-akshamy.kz.
Eger aıyna bir shotqa júzden astam aýdarym jasalsa jáne osyndaı kórsetkish úsh aı qatarynan qaıtalansa, Memlekettik kirister komıteti jeke tulǵadan salyq talap etýge quqyly.
Memlekettik kirister komıtetiniń málimetinshe, ázirge bul memlekettik qyzmetkerler men olardyń jubaıynyń shotyna túsken aqshaǵa qatysty. Al ekinshi kezeńge kvazımemlekettik sala qyzmetkerleri iligedi.
2025 jyly úshinshi kezeńde jeke kásipkerlerdiń mobıldi aýdarymdaryn baqylaıdy. 2026 jyldan bastap barlyq qazaqstandyqtyń aqshalaı aýdarymy týraly málimet komıtettiń qaraýyna túsedi.
Memleket kiristeri komıtetiniń tóraǵasy Danıar Janálinov: "Taksıster bar bizde, Yandex, InDriver, Uber, qosymsha taǵy basqa ózin-ózi jumyspen qamtamasyz etip jatqan adamdar bar. Osy platformalarmen biz qazirgi kúni kelisimge kelip jatyrmyz. Alynatyn aqsha, bári baqylaýda bolady. Platformalardyń júıesi arqyly ótetin bolady. Sol kezde qanshama tabysy bar, platforma ózi sanap, salyǵyn bizdiń organǵa, búdjetke aýdaryp otyrady. Salyq tóleýshi ony bilmeıdi, oǵan qolaısyzdyq týdyrmaıdy", – deıdi.