Otandyq ónimniń mańyzy joǵary
Jol qurylysyna otandyq nanobıtým qoldanylady, dep habarlaıdy Almaty-akshamy.kz. Qazaqtv.com caıtyna silteme jasap.
Jol qurylysyna arnalǵan qazaqstandyq nanotehnologıa sapasy jaqsy. Otandyq ǵalymdar elimizde jańadan tóseletin bıtýmnyń quramyna kómirdiń untaqtaryn qosýdy usynyp otyr.
«Bul ınovasıalyq ádis joldyń fızıkalyq qasıetin ózgertip, sapasyn arttyrýmen qatar oǵan jumsalatyn qarjyny únemdeıdi», - deıdi ónertabys avtorlary.
Sebebi biregeı ónimniń qazaqstandyq úlesi – 100%. Oǵan qajet qıyrshyq tas, qum, mıneraldy qospalardyń barlyǵy – jergilikti shıkizat.
Olarmen jańadan birigetin nanountaq ta ózimizdiń ken oryndarynan shyqqan qatty otynnan alynady. Ol úsh satyly tehnologıamen usaqtalady.
«Birinshi mehanıkalyq dıirmende untaqtadyq, odan keıin aerodınamıkalyq ádispen, úshinshi satyda elektromagnıttik óris ádisimen untaqtadyq. Sóıtip untaqtalyp alǵan nanountaqty bıtýmǵa qostyq. Osy jerde kólemdi tájirıbe júrgizdik. Iaǵnı 0,5% bıtýmnyń salmaǵy boıynsha 2% deıin qostyq. 0,5% qosqannyń ózinde jaqsy nátıjege jettik. Al 2% qosqan kezde nátıjemiz óte joǵary boldy. Osylaı tuńǵysh ret Qazaqstanda otandyq nanobıtým aldyq», - dedi «Qazjol ǴZI» AQ prezıdenti Baǵdat Teltaev.