Beıjińdegi qysqy Olımpıada oıyndary aıasyndaǵy jarys bıletteri qurlyqtaǵy Qytaıda turatyn jankúıerler arasynda satylady, dep habarlaıdy almaty-akshamy.kz Halyqaralyq Olımpıada komıtetiniń (HOK) saıtyna silteme jasap.
Qysqy Olımpıada aıasyndaǵy jarysty kórgisi keletinder kovıdke qarsy hattamalarǵa sáıkes bolýy tıis. Bıletterdi satý máselesi talqylaý jáne óńdeý satysynda, olar týraly aqparat keıinirek jarıalanady.
Beıjiń qalasyndaǵy 2022 jylǵy Olımpıadanyń koronavırýsqa qarsy vaksınalaýdyń tolyq kýrsyn ótken barlyq sportshylary men qatysýshylary Beıjińge kelgen soń jabyq sıkl júıesinde ornalasady. Al vaksına almaǵan sportshylar Qytaı astanasyna kelgen soń 21 kúndik karantınge jatqyzylady.
Vaksına almaǵan atletter vaksınalaýdan bas tartýdyń medısınalyq negizdemesin usynsa, olardyń isi bólek qaralady. Beıjińge kelip jetetin barlyq qatysýshylar (sportshylar men atlettermen Olımpıada aýyldarynda birge erip júrgen delegasıanyń keıbir tulǵalarynan basqa) uıymdastyrýshylar belgilegen kovıdke qarsy sharalarǵa sáıkes keletin qonaq úılerde turady.
Oıyndardyń barlyq qatysýshylary men qyzmetkerlerinen kún saıyn koronavırýsqa qarsy test alynady.
Beıjińdegi Qysqy Olımpıada oıyndary 2022 jyldyń 4-22 aqpan kúnderi, al Paralımpıada oıyndary – 4-13 naýryzda ótedi.
Barlyq quqyqtar qorǵalǵan. inform.kz belsendi siltemeni paıdalanyńyz https://www.inform.kz/kz/beyzhindegi-kysky-olimpiada-oyyndary-korermensiz-otedi_a3842871