Osyǵan baılanysty QR Premer-Mınıstri Á. Smaıylov birqatar tapsyrma berdi.
Bıyl, boljam boıynsha, 15 mln sharshy metr turǵyn úı paıdalanýǵa beriledi, dep habarlaıdy Almaty-akshamy.kz Úkimettiń resmı resýrsyna silteme jasap.
Baspana kezeginde turǵandar úshin turǵyn úıdi bólý «bir tereze» qaǵıdaty boıynsha bir ortalyqtan, ashyq túrde júrgiziledi. Onyń negizgi operatory — Otbasy banki.
Azamattardy turǵyn úımen qamtamasyz etýdiń jańa mehanızmderi ázirlendi. Onda arendalyq tólemdi sýbsıdıalaý jáne aýyldyq jerlerde turǵyn úı salý sıaqty qoldaý sharalary bar.
Bıyl jańa mehanızmder esebinen 70 myń azamatqa úıdi jalǵa alý úshin sýbsıdıa berý jáne aýyldyq jerlerde 2,8 myńǵa jýyq adamdy jańa baspanamen qamtamasyz etý josparlanǵan.
«E-Qurylys» jáne «E-SHańyraq» aqparattyq júıeleri, sondaı-aq Qala qurylysy kadastrynyń portaly arqyly turǵyn úıdi paıdalanýǵa berý jónindegi derekterdiń biryńǵaı esebi engizilýde.
Turǵyn úı salasyndaǵy tásilderdi toptastyryp, bir retke keltirý úshin Turǵyn úı-kommýnaldyq ınfraqurylymdy damytýdyń 2026 jylǵa deıingi tujyrymdamasyn qabyldaý jumystary bastaldy.
Turǵyn úı saıasatyndaǵy jańa tásilder boıynsha zań jobasynyń barlyq erejesin Parlament palatalarymen sapaly ári jedel pysyqtaýdy qamtamasyz etý.
Qajetti derekqorlarmen tolyqqandy ıntegrasıalap, turǵyn úı salasyndaǵy barlyq aqparattyq júıeni iske qosý jumystaryn aıaqtaý.