İs tergelýde.
Almatynyń turǵyn alabynda urlyq jasap júrgen kúdiktiler anyqtaldy, dep habarlaıdy Almaty-akshamy.kz Polisia.kz-ke siltem jasap.
Polısıanyń málimetinshe, 31 jastaǵy K.esimdi azamat jáne onyń sybaılasy 37 jastaǵy B.esimdi azamat qalanyń Alataý aýdanynda urlyq jasap júrgen. Olar jańa yqshamaýdandardaǵy kóp qabatty úılerdiń kireberisterine kirip, jedelsatymen sońǵy qabatqa kóterilip, sol jerden baspaldaqpen tómen túsip, velosıpedti kóterip alyp ketken. Keıin ony arzan baǵaǵa satyp jibergen.
«Qurylǵan jedel tergeý toby 9 urlyqtyń betin ashty. Aıǵaqty zat retinde alty velosıped tárkilendi. Qazirgi ýaqytta úsh velosıped óz ıelerine qaıtaryldy. Kúdiktilerdiń osyǵan uqsas ashylmaǵan qylmystarǵa qatysy bar-joǵyn tekserý jumystary júrgizilýde», – dedi Alataý aýdandyq PB qarasty polısıa bóliminiń bastyǵy Qumarbek Kenshinbaev.
Barlyq epızodtar bir óndiriske biriktirildi. Qylmystyq is QR QK-niń 188-baby boıynsha tergelýde.